ការប្រើសារធាតុសរីរាង្គសម្រាប់គ្របដីរក្សាសំណើមដូចជា ចំបើង កំប្លោក ទន្ទ្រានខែត្រ ធាងដូង ។ល។ ត្រូវបានកសិករអនុវត្តន៍ក្នុងការដាំបន្លែតាំងតែពីយូរលង់មកហើយ។ បច្ចុប្បន្នដោយភាពសម្បូរបែបនៃផលិតផលឧស្សាហកម្ម ការប្រើថង់ប្លាស្ទិកជាគម្របដី គឺជាបច្ចេកទេសមួយដែលគេកំពុងពេញនិយមប្រើប្រាស់ក្នុងការគ្របដី។ ប្លាស្ទិក ជាសារធាតុមិនជ្រាបទឹកជួយបង្ការរំហូតទឹក ម៉្យាងទៀតចំហាយទឹកដែលកើតពីកម្តៅនៅក្រោមបន្ទះប្លាស្ទិកត្រូវបានកកជាញើសពេលប៉ះនឹងប្លាស្ទិកហើយវាក៏ស្រក់ចូលទៅដីវិញ ដូចនេះការគ្របប្លាស្ទិកដោយរួមបញ្ចូលនូវប្រព័ន្ធតំណក់ទឹកផងដែរនោះ គឺបានជួយសន្សំសំចៃទឹកដែលបង្កលក្ខណៈសមស្របនៅតំបន់ដែលប្រឈមនឹងភាពខ្សត់ទឹក។ ជាទូទៅគេច្រើនប្រើគម្របប្លាស្ទិកដែលមានពណ៌ខ្មៅវាធ្វើឱ្យស្មៅចង្រៃដុះលូតលាស់មិនបាន ជាហេតុកាត់បន្ថយប្រភពទាក់ទាញសត្វល្អិតបំផ្លាញដំណាំផងដែរ។ លទ្ធភាពនៃការដុះលូតលាស់របស់ស្មៅដ៏តិចតួចនេះមានន័យថា ពុំមានការប្រជែងស្រូបយកសារធាតុចិញ្ចឹមពីក្នុងដី ធ្វើឱ្យដំណាំដុះលូតលាស់បានល្អ។ ចំណុចជាវិជ្ជមានមួយទៀតក្នុងការទប់ទល់នូវការដុះលូតលាស់របស់ស្មៅចង្រៃ គឺការកាត់បន្ថយកម្លាំងពលកម្មដើម្បីសម្អាតស្មៅ ។ លើសពីនេះទៅទៀតគម្របប្លាស្ទិកដើរតួនាទីក្នុងការបង្ការការហូរច្រោះដីដោយសារទឹកភ្លៀង ឬភាពជាំទឹកខ្លាំងផងដែរ។ សរុបមក ការប្រើប្រាស់គម្របប្លាស្ទិកដោយរួមផ្សំជាមួយប្រព័ន្ធតំណក់ទឹកបានសន្សំសំចៃទឹក កាត់បន្ថយសត្វល្អិតដែលបំផ្លាញដំណាំ និងចំណេញកម្លាំងពលកម្ម និងពេលវលា(FAO, 2017) ។
ការដាំដំណាំត្រប់វែងដោយប្រើគម្របប្លាស្ទិក និងប្រព័ន្ធតំណក់ទឹកត្រូវបានណែនាំឱ្យប្រើតាមរយៈគម្រោងហាវែសចាប់តាំងពីឆ្នាំ ២០១៤ មកម៉្លេះ។ ការអនុវត្តន៍នេះធ្វើឡើងនៅចម្ការមួយដែលពីមុនជាដីស្រែមានទំហំ ១៤១០ ម៉ែត្រការ៉េ និងបានដាំដំណាំត្រប់វែងចំនួន ១៧៤០ ដើម លើរងគ្របប្លាស្ទិកចំនួន ២០រង។ ដំណាំត្រប់វែង គឺជាដំណាំប្រចាំឆ្នាំដែលដុះលូតលាស់ល្អនៅលើដីល្បាប់ (ដីសម្បូរដោយសារធាតុសរីរាង្គ) ហើយដែលមានសីតុណ្ហភាពលើសពី ២០ អង្សាសេ ។ ដីគួរតែរក្សាឱ្យនៅមានសំណើម តែត្រូវជៀសវៀងកុំឱ្យជាំទឹក។
ទៅតាមការរៀបរាប់ខាងលើបច្ចេកទេសនេះត្រូវបានរៀបចំដូចតទៅ៖លើផ្ទៃដីដែលបានរៀបចំ(ដោយភ្ជួរ និងហាលដីចំនួន ៣សារ) រួចហើយ កសិករបានលើករងដែលមានកម្ពស់ប្រមាណជា ២០សង់ទីម៉ែត្រ ទទឹងរង ១ម៉ែត្រ ហើយចន្លោះពីរងមួយទៅរងមួយក៏មានប្រវែង ១ម៉ែត្រដែរ។ បន្ទាប់មករៀបចំបង្កប់ទុយោប្រព័ន្ធតំណក់ទឹកនៅលើរង រួចធ្វើការស្រោចទឹកផ្សើមរងដំណាំ បន្ទាប់មកយកប្លាស្ទិកខ្មៅដែលមានធ្មេញឈើប្រវែង ១,៥០ ម៉ែត្រ គ្របតាមបណ្តោយរងដោយលប់ដីតាមជាយគម្របប្លាស្ទិកបន្តិចៗកុំឱ្យខ្យល់ប៉ើង រួចហើយចោះជាប្រឡោះដែលមានអង្កត់ផ្ចិតទំហំប្រហែលជា ៨សង់ទីម៉ែត្រ និងមានគម្លាត ៦០ សង់ទីម៉ែត្រ (ត្រូវគ្នាជាមួយគម្លាតនៃចំណុច ទុយោតំណក់ទឹក) ។ ចុងក្រោយ គឺការស្ទូងកូនត្រប់តាមប្រឡោះទាំងនេះ ហើយនៅជិតគល់ត្រប់នីមួយៗគាត់បានដោតច្បោះឫស្សីជួយទប់ដើមកុំឱ្យដួល ឬទ្រេតដោយសារខ្យល់ខ្លាំង ឬពេលមានផ្លែច្រើន។
បច្ចេកទេសនេះក៏បានផ្តល់ផ្នែកសេដ្ឋកិច្ចដោយការបង្កើនប្រាក់ចំណូលគួរឱ្យកត់សម្គាល់ផងដែរ។ តាមការសាកសួរ មុនពេលអនុវត្តន៍បច្ចេកទេសនេះអ្នកប្រើប្រាស់ដីទទួលបានប្រាក់ចំណេញសុតប្រមាណជា ៣០% តែប៉ុណ្ណោះ ក្រោយកាត់ថ្លៃបង្កើត និងថ្លៃថែទាំ ប៉ុន្តែក្រោយពេលអនុវត្តន៍បច្ចេកទេសនេះ អត្ថប្រយោជន៍សេដ្ឋកិច្ចដែលទទួលបាន គឺមានការកើនឡើងរហូតដល់ទៅ ៧០% ឯណោះ (ករណីមិនមានជំងឺលើដំណាំ) ជាពិសេស គឺចំណេញពេលវេលាសម្រាប់ប្រកបការងារផ្សេងៗទៀត។
Location: ភូមិ ជ្រែង ឃុំ ស្វាយលួង ស្រុកកណ្តៀង ខេត្តពោធិ៍សាត់, Cambodia
No. of Technology sites analysed: single site
Spread of the Technology: evenly spread over an area
In a permanently protected area?:
Date of implementation: 2014; less than 10 years ago (recently)
Type of introduction
| Specify input | Unit | Quantity | Costs per Unit (រៀល) | Total costs per input (រៀល) | % of costs borne by land users |
| Labour | |||||
| ភ្ជួរដីហាល ០៣ដង | ដង | 3.0 | 50000.0 | 150000.0 | 100.0 |
| សាបកូនត្រប់វែង | នាក់-ថ្ងៃ | 2.0 | 20000.0 | 40000.0 | 100.0 |
| លើករងដំណាំ ដាក់លាមកគោ រៀបចំប្រព័ន្ធតំណក់ ស្រោចទឹកលើរងដំណាំ គ្របថង់ប្លាស្ទិក | នាក់-ថ្ងៃ | 5.0 | 20000.0 | 100000.0 | 100.0 |
| ដាំកូន | នាក់-ថ្ងៃ | 2.0 | 20000.0 | 40000.0 | 100.0 |
| Equipment | |||||
| គោយន្ត | គ្រឿង | 1.0 | 12300000.0 | 12300000.0 | 100.0 |
| ម៉ាស៊ីនបូមទឹក និងទុយោ | ឈុត | 1.0 | 1400000.0 | 1400000.0 | 100.0 |
| ចបកាប់ | គ្រឿង | 6.0 | 12000.0 | 72000.0 | 100.0 |
| ចបជីក | គ្រឿង | 1.0 | 12000.0 | 12000.0 | 100.0 |
| តង់ | តង់ | 1.0 | 40000.0 | 40000.0 | |
| ធុងបាញ់ថ្នាំសប់ដោយដៃ | គ្រឿង | 1.0 | 280000.0 | 280000.0 | |
| ថាសបណ្តុះកូនពូជត្រប់វែង | ថាសបណ្តុះ | 30.0 | 2500.0 | 75000.0 | |
| កញ្ច្រែងបេះបន្លែ | កញ្ច្រែង | 3.0 | 15000.0 | 45000.0 | |
| Plant material | |||||
| ពូជត្រប់វែង | កញ្ចប់ | 1.0 | 10000.0 | 10000.0 | |
| Construction material | |||||
| ថង់ប្លាស្ទិក | ដុំ | 2.5 | 70000.0 | 175000.0 | |
| ប្រព័ន្ធតំណក់ទឹក | ដុំ | 1.5 | 160000.0 | 240000.0 | |
| ពាង | គ្រឿង | 3.0 | 45000.0 | 135000.0 | 100.0 |
| Other | |||||
| ស្បែកជើងកវែង | គូ | 1.0 | 60000.0 | 60000.0 | |
| Total costs for establishment of the Technology | 15'174'000.0 | ||||
| Total costs for establishment of the Technology in USD | 3'793.5 | ||||
| Specify input | Unit | Quantity | Costs per Unit (រៀល) | Total costs per input (រៀល) | % of costs borne by land users |
| Labour | |||||
| ដកស្មៅចន្លោះរងដំណាំ | ដង | 2.0 | 240000.0 | 480000.0 | 100.0 |
| Fertilizers and biocides | |||||
| ថ្នាំពុលកសិកម្មម៉ាក golden | ដប | 1.0 | 15000.0 | 15000.0 | 100.0 |
| Other | |||||
| សាំងបូមទឹក | លីត្រ | 70.0 | 3000.0 | 210000.0 | 100.0 |
| Total costs for maintenance of the Technology | 705'000.0 | ||||
| Total costs for maintenance of the Technology in USD | 176.25 | ||||
ទិន្នផលត្រប់វែងមានការកើនឡើងប្រសិនប្រៀបធៀបទៅ នឹងការអនុវត្តន៍ដាំដុះត្រប់វែងដោយមិនប្រើថង់ប្លាស្ទិករួមជាមួយប្រព័ន្ធតំណក់ទឹក។
ផ្លែត្រប់វែង គឺធំល្អ និងមានផ្លែច្រើន។
កាត់បន្ថយហានិភ័យដោយមានទឹកគ្រប់គ្រាន់សម្រាប់ស្រោចស្រពដំណាំ និងអាចតម្រូវទៅតាមការត្រូវការរបស់ទីផ្សារដែលត្រូវការផលិតផលដែលមានគុណភាព។លើសពីនេះ គាត់អាចដាំដំណាំបានច្រើនប្រភេទពេញមួយឆ្នាំ។ ឧទាហរណ៍៖ គាត់អាចប្រើគម្របប្លាស្ទិករួមផ្សំជាមួយប្រព័ន្ធតំណក់ទឹកសម្រាប់ដាំត្រសក់ ម្រះជាដើម។
មានប្រភពទឹកអណ្តូងខួង។
ទឹកទាមទារការដាំឱ្យពុះមុនបរិភោគ ទឹកមានជាតិច្រេះ។
ទឹកអណ្តូងបុកអាចយកសម្រាប់ចិញ្ចឹមសត្វគោបាន។
មានអណ្តូងបុកសម្រាប់ទាញយកទឹកមកស្រោចស្រពដំណាំនៅអំឡុងពេលរាំងស្ងួត។
ទឹកមានគុណភាពល្អសម្រាប់ស្រោចស្រពដំណាំ តែវាមានជាតិច្រេះដែលធ្វើឱ្យប្រព័ន្ធតំណក់ទឹកកកស្ទះឆាប់ខូច។
បរិមាណទឹកត្រូវបានថយចុះតាមរយៈការប្រើគម្របប្លាស្ទិករួមជាមួយប្រព័ន្ធតំណក់ទឹក។
ប្រព័ន្ធតំណក់ទឹក និងប្លាស្ទិកមានតម្លៃថ្លៃ។ ប្រព័ន្ធតំណក់ទឹកអាចប្រើបាន ២ឆ្នាំ ប៉ុន្តែគម្របប្លាស្ទិកអាចប្រើបានតែម្តងទេក្នុងមួយវដ្តដំណាំ។
Quantity before SLM: ៣០០,០០០ រៀល
Quantity after SLM: ៧០០,០០០ រៀល
ចំណេញពេលវេលាក្នុងស្រោចទឹក ស្រោចជី និងសម្អាតស្មៅជាដើម ដើម្បីទៅធ្វើការផ្សេងដូចជា លក់បន្លែ ធ្វើស្រែ។
កម្លាំងពលកម្មមានការថយចុះក្នុងការស្រោចទឹក ដាក់ជី និងចំណេញកម្លាំងពលកម្មក្នុងការដកស្មៅផងដែរ។ គម្របប្លាស្ទិករួមផ្សំជាមួយប្រព័ន្ធតំណក់ទឹកធូរកម្លាំងបាន៧០%។
មានផលិតផលដែលមានគុណភាព អាចផ្គត់ផ្គង់នៅក្នុងគ្រួសារ និងទៅតាមទីផ្សារ។ អាចដំណាំផ្សេងបានច្រើនប្រភេទ ដូចជាត្រសក់ ម្រះជាដើម។
ដីដែលនៅក្រោមថង់ប្លាស្ទិកមានលក្ខណៈធូរ និងវាយនភាពរបស់វាផុសដូចជាកំប៉ុស្ត។ តាមបទពិសោធន៍ប្រសិនជាដីហាប់ណែន ប៉ុន្តែក្រោយពីគ្របប្លាស្ទិក និងប្រព័ន្ធតំណក់ទឹក ដីមានលក្ខណៈធូរ ផុស។
ដីនៅក្រោមគម្របប្លាស្ទិក គឺមានសំណើម។
ប្លាស្ទិកដើរតួនាទីជាគម្របដីក្នុងការកាត់បន្ថយរំហួតទៅក្នុងបរិយាកាស។
ដីមានលក្ខណៈធូរ និងទម្រង់ដីមានលក្ខណៈប្រសើរឡើង។
ស្មៅចង្រៃក៏ជាមូលហេតុដែលធ្វើឱ្យកើតសត្វល្អិតចង្រៃផងដែរ។ តាមរយៈការប្រើប្រាស់ថង់ប្លាស្ទិក វាបានកាត់បន្ថយនូវការដុះស្មៅ។
