ឧបករណ៍បូមទឹកដោយស្វ័យប្រវត្តិ (ទឹម សុភា)
ប្រព័ន្ធបូមទឹកស្វ័យប្រវត្តិដើរដោយកម្លាំងទឹកហូរ គឺជាឧបករណ៍បូមទឹក ដែលត្រូវបានគេប្រើប្រាស់ជាច្រើនឆ្នាំមកហើយនៅអឺរ៉ុប និងមួយភាគតូចនៅអាស៊ី តែវាត្រូវបានបាត់បង់ហើយក្រោយមកដោយសារតែតម្រូវការចាំបាច់ព្រោះវាដំណើរការអាស្រ័យតែលើកម្លាំងទឹកហូរ និងមិនត្រូវការការថែទាំច្រើនដែលបណ្តាលឱ្យមានការប្រើប្រាស់បច្ចេកទេសនេះឡើងវិញ (ACF, 2009)។ តាមរយៈការរៀបរាប់បានបង្ហាញថាវាមិនត្រូវការកម្លាំងម៉ាស៊ីន ចំហេះប្រេងឥន្ធនៈ និងពុំចាំបាច់ត្រូវការកម្លាំងពលកម្មច្រើនក្នុងពេលប្រើប្រាស់ ឬការថែទាំនោះទេ។ ដោយឃើញពីអត្ថប្រយោជន៍ខាងលើ កសិករមួយរូបឈ្មោះ ប្រុស ហ៊ួ ដែលរស់នៅក្នុងភូមិសោបក្រោម ឃុំសោប ស្រុកព្រែកប្រសព្វ ខេត្តក្រចេះ បានដំឡើងឧបករណ៍នេះដំបូងគេបង្អស់។ លោកបានមានប្រសាសន៍ថា គាត់ត្រូវចំណាយថ្លៃដើមក្នុងការសាងសង់រហូតដល់ទៅ ១៥០០ ដុល្លារ ដោយអាស្រ័យទៅលើប្រភេទនៃសម្ភារៈឬវត្ថុធាតុដើមសម្រាប់សាងសង់ (គាត់ប្រើប្រភេទបំពង់ដែក និងទុយោសម្រាប់ភ្ជាប់ដែលមានគុណភាពល្អ) ប៉ុន្តែវាមានអាយុកាលប្រើប្រាស់វែងរហូតដល់ទៅ ២០-៣០ឆ្នាំ និងមិនមានផលប៉ះពាល់ដល់បរិស្ថានឡើយ ដោយសារវាមិនមានបំភាយឧស្ម័នផ្ទះកញ្ចក់ទៅក្នុងបរិយាកាស។
ឧបករណ៍បូមទឹកនេះត្រូវបានដំឡើងនៅទំនប់ស្រែងៀត ជាទីតាំងដែលមានចរន្តទឹកស្ទឹងហូរជាប្រចាំពេញមួយឆ្នាំ។ ចំពោះការដំឡើង កសិករបានសង់ទំនប់ស្ទាក់ទឹកធ្វើពីបេតុង និងចាក់បេតុងធ្វើជាទម្រកល់ឧបករណ៍បូមនៅផ្នែកខាងក្រោមខ្សែទឹកក្នុងរយៈកម្ពស់ ១,៥ម៉ែត្រ ធៀបទៅនឹងចំណុចភ្ជាប់ទុយោពីទំនប់ស្ទាក់ទឹកមក។ កសិករប្រើទុយោដែកមុខកាត់ទំហំ ១១៤មីលីម៉ែត្រ ប្រវែង ១២ម៉ែត្រ (ចំងាយពីចំណុចឧបករណ៍បូមទៅទំនប់ស្ទាក់ទឹក)។ ចេញពីឧបករណ៍បូម គាត់ប្រើទុយោនាំទឹកចេញទំហំមុខកាត់ ៣០មីលីម៉ែត្រ (ទុយោនេះត្រូវតែតូចជាងទុយោ ឬបំពង់នាំទឹកចូលទៅឧបករណ៍បូម) សម្រាប់នាំទឹកទៅកន្លែងប្រើប្រាស់។ ឧបករណ៍បូមនេះដំណើរការដោយកម្លាំងទឹកហូរ ដែលទាញយកទឹកពីទំនប់តាមបំពង់ដែក និងប្រើកម្លាំងសម្ពាធខ្យល់នៃបំពង់រុញទឹកតាមទុយោតូចនាំទឹកទៅកាន់កន្លែងប្រើប្រាស់ ដែលមានចម្ងាយប្រហែល ៦០០ម៉ែត្រ និងកម្ពស់ប្រហែល ៨ម៉ែត្រ។ ឧបករណ៍បូមទឹកស្វ័យប្រវត្តិនេះមានសមត្ថភាពបូមទឹកបាន ១,៥ម៉ែត្រត្រីគុណ ក្នុងមួយម៉ោង ធ្វើការពេញ ២៤ម៉ោងជារៀងរាល់ថ្ងៃ និងអាចបូមទឹកបានរហូតដល់កម្ពស់ ២០ម៉ែត្រ។
ទឹកដែលបូមបានពីឧបករណ៍ ត្រូវរក្សាទុកក្នុងអាងចំនួន ២ ដែលអាងនីមួយៗមានចំណុះប្រមាណជា ៤,៧ម៉ែត្រត្រីគុណ បរិមាណនេះអាចប្រើប្រាស់បានសម្រាប់ក្នុងផ្ទះ សម្រាប់ការចិញ្ចឹមមាន់ចំនួន ១០០ក្បាល និងសម្រាប់ស្រោចស្រពផ្ទៃដីកសិកម្មដល់ទៅ ៥ ហិកតា។ គុណសម្បត្តិមួយទៀតនៃប្រព័ន្ធនេះ គឺមិនមានផលប៉ះពាល់ដល់បរិមាណទឹក ឬធ្វើឱ្យកង្វក់ដល់ខ្សែទឹកខាងក្រោមនោះទេ ព្រោះប្រព័ន្ធនេះបានទាញទឹកយកមកប្រើតែប្រហែលជា ២០-៣០%នៃទំនប់ប៉ុណ្ណោះ ចំណែក ៨០-៧០%ទៀត គឺហូរទៅខ្សែទឹកខាងក្រោមជាធម្មតា កត្តានេះមិនបង្កឱ្យមានជម្លោះដណ្តើមទឹករវាងអ្នកនៅខ្សែទឹកខាងលើ និងអ្នកប្រើប្រាស់ទឹកនៅខ្សែទឹកខាងក្រោមនោះទេ។
Lugar: ភូមិសោបក្រោម ឃុំសោប ស្រុកព្រែកប្រសព្វ ខេត្តក្រចេះ, Cambodia
No. de sitios de Tecnología analizados: un solo sitio
Difusión de la Tecnología: aplicada en puntos específicos/ concentrada en un área pequeña
¿En un área de protección permanente?:
Fecha de la implementación: 2015
Tipo de introducción
| Especifique insumo | Unidad | Cantidad | Costos por unidad (រៀល) | Costos totales por insumo (រៀល) | % de los costos cubiertos por los usuarios de las tierras |
| Mano de obra | |||||
| ថ្លៃបង្កើតសរុបរួមកម្លាំងពលកម្មដោយខ្លួនឯង និងសម្ភារសម្រាប់បង្កើត | សរុប | 1,0 | 6000000,0 | 6000000,0 | 100,0 |
| Costos totales para establecer la Tecnología | 6'000'000.0 | ||||
| Costos totales para establecer la Tecnología en USD | 1'500.0 | ||||
| Especifique insumo | Unidad | Cantidad | Costos por unidad (រៀល) | Costos totales por insumo (រៀល) | % de los costos cubiertos por los usuarios de las tierras |
| Mano de obra | |||||
| ប្តូរស្បែកក្នុងឧបករណ៍បូម | សរុប | 1,0 | 100000,0 | 100000,0 | 100,0 |
| Indique los costos totales para mantenecer la Tecnología | 100'000.0 | ||||
| Costos totales para mantener la Tecnología en USD | 25.0 | ||||
ផលិតកម្មកើនឡើងដោយសារអាចដាំដំណាំបានច្រើនមានទឹកគ្រប់គ្រាន់សម្រាប់ស្រោចស្រព។
អាចគ្រប់គ្រងបានដោយសារមិនខ្វះខាតទឹកប្រើប្រាស់ ហើយមិនត្រូវការកម្លាំងពលកម្មខ្ពស់។
ឧបករណ៍បូមទឹកដោយស្វ័យប្រវត្តិអាចផ្តល់ទឹកគ្រប់គ្រាន់ជាប្រចាំ និងកម្លាំងពលកម្មតិច។
ទឹកអាចទាញមកប្រើប្រាស់បានច្រើនជាងមុនដោយស្វ័យប្រវត្តិ។
ការប្រើប្រាស់ឧបករណ៍បច្ចេកទេសនេះ គឺជួយកាត់បន្ថយកម្លាំងពលកម្ម ពេលវេលា ថវិកាក្នុងការជួសជុល និងមិនត្រូវការការថែទាំច្រើនទៀតផង។ បច្ចេកទេសនេះក៏បានកាត់បន្ថយការប្រើប្រាស់ប្រេងសម្រាប់បូមទឹក ព្រោះប្រព័ន្ធបូមទឹកនេះដើរដោយកម្លាំងទឹកហូរ។
ចំណូលកើនឡើងព្រោះថាមិនចំណាយច្រើនសម្រាប់ដំណើរការបូមទឹកនោះទេ ហើយអាចដាំដំណាំបានច្រើនជាងមុន។
ពីព្រោះទទួលបានទឹកគ្រប់គ្រាន់សម្រាប់ដាំដំណាំច្រើនមុខជាងមុន។
ទទួលបានចំណូលបន្ថែម ហើយថែមទាំងកាត់បន្ថយចំណាយសម្រាប់ស្រោចស្រពផងដែរ។
បន្ទុកការងារត្រូវបានថយចុះដោយប្រព័ន្ធបូមទឹកនេះដំណើរការដោយស្វ័យប្រវត្តិ។
កសិករបង្កើនចំណេះដឹងតាមរយៈការអនុវត្តផ្ទាល់នៃបច្ចេកទេសបូមទឹកនេះ ហើយគាត់ក៏មានលទ្ធភាពគ្រប់គ្រាន់ដើម្បីក្លាយជាអ្នកសម្របសម្រួលសម្រាប់កសិករដទៃដែរ។ គាត់បានចែករំលែកចំណេះដឹងរបស់គាត់ជាមួយអ្នកជិតខាងដើម្បីឱ្យពួកគាត់ប្រើប្រាស់បច្ចេកទេសនេះផងដែរ។
បរិមាណទឹកមិនត្រូវបានកាត់បន្ថយ ឬកើនឡើងឡើយដោយសារប្រព័ន្ធបូមទឹកនេះគ្រាន់តែទាញយកទឹកមកប្រើប្រាស់ត្រឹម ២០ ទៅ ៣០ % ប៉ុណ្ណោះ និងមិនបានកាត់ផ្តាច់លំហូរទឹកឡើយ។
ប្រព័ន្ធបូមទឹកស្វ័យប្រវត្តិអាចទាញយកទឹកមកប្រើប្រាស់ជាប្រចាំដោយមិនត្រូវការកម្លាំងពលកម្មឡើយ។
កសិករផ្សេងៗ និងអ្នកជិតខាងនៅតែអាចទទួលបានទឹកពីទំនប់មកប្រើប្រាស់បានដដែល ដោយសារប្រព័ន្ធនេះបានទាញយកទឹកមកប្រើប្រាស់ត្រឹម ២០ ទៅ ៣០% ទេ។
ដោយមិនបានប្រើប្រាស់ម៉ាស៊ីនផ្សេងៗដែលបំភាយឧស្ម័នផ្ទះកញ្ចក់ឡើយ។
