1.2 ព័ត៌មានលម្អិតពីបុគ្គលសំខាន់ៗ និងស្ថាប័នដែលចូលរួមក្នុងការវាយតម្លៃ និងចងក្រងឯកសារនៃបច្ចេកទេស

ឈ្មោះគម្រោងដែលបានចងក្រងឯកសារ/ វាយតម្លៃលើបច្ចេកទេស (បើទាក់ទង)

Scaling-up SLM practices by smallholder farmers (IFAD)

ឈ្មោះអង្គភាពមួយ (ច្រើន) ដែលបានចងក្រងឯកសារ/ វាយតម្លៃបច្ចេកទេស (បើទាក់ទង)

Royal University of Agriculture (RUA) - ប្រទេសកម្ពុជា

1.3 លក្ខខណ្ឌទាក់ទងទៅនឹងការប្រើប្រាស់ទិន្នន័យដែលបានចងក្រងតាមរយៈ វ៉ូខេត

អ្នកចងក្រង និង(បុគ្គលសំខាន់ៗ)យល់ព្រមទទួលយកនូវលក្ខខណ្ឌនានាទាក់ទងទៅនឹងការប្រើប្រាស់ទិន្នន័យដែលបានចងក្រងតាមរយៈវ៉ូខេត:

បាទ/ចា៎

1.4 សេចក្តីប្រកាសស្តីពីចីរភាពនៃការពណ៌នាពីបច្ចេកទេស

តើបច្ចេកទេសដែលបានពណ៌នានេះមានបញ្ហាដែលផ្តោតលើការធ្លាក់ចុះគុណភាពដី, បើដូច្នេះវាមិនអាចត្រូវបានប្រកាសថាជាបច្ចេកទេសនៃការគ្រប់គ្រងប្រកបដោយចីរភាពទេ?

ទេ

2.1 ការពណ៌នាដោយសង្ខេបពីបច្ចេកទេស

និយមន័យបច្ចេកទេស:

ការជីកស្រះក្នុងចំការដើម្បីស្តុកទឹកសម្រាប់ស្រោចស្រពដំណាំពេលរាំងស្ងួត គឺជាការធានានូវកង្វះខាតទឹក ពេលចាប់ផ្តើមដាំដុះ នៅមុនរដូវភ្លៀងធ្លាក់ និងក្រោយពេលរដូវភ្លៀង។ ការធ្វើបែបនេះគឺក្នុងគោលបំណងបង្កើនរដូវដាំដុះ។ ស្រះទឹកដែលចុះសិក្សានេះអាចស្តុកទុកទឹកបាន ២៤១២ ម៉ែត្រត្រីគុណ អាចស្រោចស្រពដីទំហំ ១.៦ ហិកតាឡើងទៅ ហើយកសិករអាចដាំដំណាំបានជាច្រើនសារក្នុងមួយឆ្នាំៗ ដោយសារតែវាអាចទប់ទល់ទៅនឹងបញ្ហាកង្វះខាតទឹកបណ្តាលមកពីភាពរាំងស្ងួត។

2.2 ការពណ៌នាលម្អិតពីបច្ចេកទេស

ការពណ៌នា:

នៅក្នុងតំបន់ដែលមានភ្លៀងធ្លាក់តិចតួច និងប្រព័ន្ធធារាសាស្ត្រមិនគ្រប់គ្រាន់ ការស្តុកទឹកទុកសម្រាប់ប្រើប្រាស់ដើរតួនាទីយ៉ាងសំខាន់នៅក្នុងផលិតកម្មដំណាំ និងចូលរួមចំណែកក្នុងការផ្គត់ផ្គង់ស្បៀងអាហារ។ បរិមាណទឹកដែលអាចរកបានគឺជាកត្តាមួយដ៏សំខាន់ដែលកសិករត្រូវយកចិត្តទុកដាក់។ លើសពីនេះ ការប្រែប្រួលអាកាសធាតុគឺជាបញ្ហាចម្បងមួយទៀត បន្ថែមទៅលើបញ្ហាខាងលើ ដែលបញ្ហានេះបង្កផលប៉ះពាល់យ៉ាងធ្ងន់ធ្ងរដល់ការងារដាំដុះរបស់កសិករ ព្រោះថាវានឹងនាំឱ្យទិន្នផលធ្លាក់ចុះ មានការកើតជំងឺសត្វល្អិតរាតត្បាត ភ្លៀងធ្លាក់មិនទៀងទាត់ គ្រោះរាំងស្ងួត និងទឹកជំនន់ជាដើម។

ដើម្បីឆ្លើយតបទៅនឹងបញ្ហាខាងលើ កសិករបានជីកស្រះទឹកក្នុងចំការ និងប្រើប្រាស់ប្រព័ន្ធតំណក់ទឹកសម្រាប់ស្រោចស្រពដំណាំ។ ការជីកស្រះនេះមានគោលបំណងពីរគឺ ទី១៖ យកទឹកមកស្រោចស្រពដំណាំនៅពេលរាំងស្ងួត និងគោលបំណងទី២៖ គឺសម្រាប់ចិញ្ចឹមត្រី និងបង្កើនការដាំដុះបន្ថែមដូចជាការដាំបន្លែជាដើម។ ការរៀបចំប្រព័ន្ធស្តុកទឹកក្នុងចម្ការបែបនេះជាការអនុវត្តកសិកម្មឆ្លាតវ័យ ដែលមានភាពធន់ទ្រាំទៅនឹងការប្រែប្រួលអាកាសធាតុ (កសិកម្មឆ្លាតខាងអាកាសធាតុ) ព្រោះកសិករអាចមានទឹកប្រើប្រាស់គ្រប់រដូវកាល។

ចំពោះការប្រើប្រាស់ប្រព័ន្ធតំណក់ទឹកគឺជួយសន្សំសំចៃទឹក និងពេលវេលា កាត់បន្ថយកម្លាំងពលកម្មសម្រាប់ការស្រោចស្រព ធ្វើឱ្យដំណាំដុះលូតលាស់បានល្អ កាត់បន្ថយរំហួត និងការហូរច្រោះ ព្រមទាំងជួយកាត់បន្ថយការដុះស្មៅចង្រៃ និងសត្វល្អិតបានមួយចំនួនទៀតផង។ ដូចនេះ ប្រព័ន្ធតំណក់ទឹកគឺសមស្របបំផុតក្នុងការប្រើប្រាស់ទឹកប្រកបដោយប្រសិទ្ធិភាពសម្រាប់ការស្រោចស្រព ដើម្បីឆ្លើយតបទៅនឹងការប្រែប្រួលអាកាសធាតុដូចជាគ្រោះរាំងស្ងួតតាមរដូវកាល។

មុននឹងសម្រេចចិត្តជីកស្រះ កសិករបានធ្វើការសង្កេតនិងស្វែងយល់ពីប្រភពទឹកក្រោមដី អស់រយៈពេល ២ឆ្នាំ តាមរយៈបទពិសោធន៍របស់គាត់ ដោយអង្កេតមើលអណ្តូងទឹករបស់អ្នកជិតខាងនៅក្បែរៗចម្ការរបស់គាត់។ ទីតាំងដែលបានសម្រេចចិត្តជីកស្រះ គឺនៅកន្លែងទាបបំផុតនៃដីរបស់គាត់ ហើយការសម្រេចចិត្តនេះក៏បានផ្អែកលើការដែលពិនិត្យឃើញថាអណ្តូងដែលនៅជិតចម្ការរបស់គាត់មានទឹកគ្រប់គ្រាន់។ ដូចនេះ ស្រះទឹកនេះប្រមូលនូវប្រភពទឹកភ្លៀងផង និងមានដង្ហើមទឹកក្រោមដីផង។

ការជីកស្រះនេះកសិករមិនបានចំណាយថវិកានោះទេ ព្រោះគាត់បានព្រមព្រៀងជាមួយអ្នកជីកដែលមានអេស្កាវ៉ាទ័រ ដោយក្នុងនោះអ្នកជីកយកអាចម៍ដីលក់ហើយម្ចាស់ចម្ការទទួលបានស្រះទឹកដោយមិនចំណាយលើថ្លៃជីក។ ស្រះទឹកនេះមានទំហំមាត់ស្រះ ៤០ ម៉ែត្រ×២០ ម៉ែត្រ និងបាតស្រះទំហំ ២៩ ម៉ែត្រ×១៤ ម៉ែត្រ មានជម្រៅ ៤ម៉ែត្រ និងកម្ពស់ទឹកក្នុងស្រះ ២ ម៉ែត្រ អាចស្រោចស្រពដំណាំលើផ្ទៃដីចំនួន ១.៦០ ហិកតានៅរដូវប្រាំង និងអាចដាំដំណាំបានពីរសារក្នុងមួយឆ្នាំ។ កសិករក៏បានចិញ្ចឹមកូនត្រីទីឡាបយ៉ា ចំនួន ៦០០កូន (៦ គីឡូក្រាមកូនត្រី)ផងដែរ។ ប្រសិនបើមិនមានការសហការជាមួយនឹងអ្នកជីកទេ ការជីកស្រះនេះ ត្រូវចំណាយលុយប្រហែល ៨០០០០០០ រៀល (ប្រហែល ២០០០ដុល្លាអាមេរិក)។

បន្ទាប់ពីជីកស្រះរួចកសិករអាចដាំដំណាំច្រើនជាងមុន ទទួលបានផលច្រើនជាងមុន និងអាចដាំល្ពៅបាននៅខែប្រាំងដោយមានទឹកស្រះប្រើប្រាស់គ្រប់គ្រាន់។ កាលពីមុនកសិករមិនហ៊ានដាំល្ពៅទេព្រោះមិនមានទឹកគ្រប់គ្រាន់សម្រាប់ស្រោចស្រព ប៉ុន្តែបច្ចុប្បន្នគាត់អាចដាំបាន និងចំណេញពេលវេលាព្រោះអាចដាំដំណាំមុនរដូវបាន។ លើសពីនេះទៅទៀត កសិករជិតខាងក៏អាចយកទឹកនេះទៅប្រើប្រាស់បានផងដែរ។

2.3 ​រូបភាពនៃបច្ចេកទេស

2.5 ប្រទេស/តំបន់/ទីតាំងកន្លែង ដែលបច្ចេកទេសត្រូវបានអនុវត្ត និងបានគ្រប់ដណ្តប់ដោយការវាយតម្លៃនេះ

2.6 កាលបរិច្ឆេទនៃការអនុវត្ត

បង្ហាញឆ្នាំនៃការចុះអនុវត្ត:

2013

2.7 ការណែនាំពីបច្ចេកទេស

សូមបញ្ជាក់តើបច្ចេកទេសត្រូវបានណែនាំឱ្យអនុវត្តដោយរបៀបណា:

• តាមរយៈការបង្កើតថ្មីរបស់អ្នកប្រើប្រាស់ដី

មតិយោបល់ (ប្រភេទនៃគម្រោង ។ល។):

កសិករបានសិក្សាពីខ្សែទឹកក្រោមដីនៅជុំវិញបរិវេនតំបន់នេះរយៈពេលប្រហែល២ឆ្នាំ។

3.1 គោលបំណងចម្បង (១​ ឬច្រើន)​ នៃបច្ចេកទេសនេះ

• ធ្វើឱ្យប្រសើរឡើងនូវផលិតកម្ម
• បន្ស៊ាំទៅនឹងការប្រែប្រួលអាកាសធាតុ/គ្រោះមហន្តរាយ និងផលប៉ះពាល់របស់វា
• បង្កើតផលប្រយោជន៍សង្គម

• អាចដាំដំណាំបានគ្រប់រដូវ និងមុនខែធ្លាក់ភ្លៀង

3.2 ប្រភេទដីប្រើប្រាស់មួយប្រភេទ (ច្រើនប្រភេទ) ដែលបានអនុវត្តបច្ចេកទេស

មតិយោបល់:

ស្រះនេះអាចស្រោចស្រពគ្រប់រដូវនៅលើផ្ទៃដីចំនួន ១.៦០ ហិកតា។ កាលពីមិនទាន់មានស្រះគាត់ដាំតែពោត សណ្តែក ដោយសារវាមិនត្រូវការទឹក តែឥឡូវគាត់អាចដាំមុនរដូវភ្លៀងបាន។
ចំនួនសារដែលដាំដំណាំក្នុងមួយឆ្នាំ: 2

3.3 បន្ទាប់ពីអនុវត្តបច្ចេកទេស តើដីប្រើប្រាស់មានការប្រែប្រួលដែររឺទេ?

បន្ទាប់ពីអនុវត្តបច្ចេកទេស តើដីប្រើប្រាស់មានការប្រែប្រួលដែររឺទេ?

• បាទ/ច៎ា (សូមបំពេញសំណួរខាងក្រោមពីស្ថានភាពដីប្រើប្រាស់មុនពេលអនុវត្តបច្ចេកទេស)

មតិយោបល់:

កាលពីមុនជាដីព្រៃរិករិល ក្រោយពីកាប់ព្រៃអស់ និងចាប់ផ្តើមដាំដំណាំ ហើយដីចាប់ផ្តើមមិនសូវមានជីជាតិ តែពេលជីកស្រះហើយធ្វើឱ្យដីធូរមានសំណើមជាងមុន។

3.4 ការផ្គត់ផ្គង់ទឹក

ការផ្គត់ផ្គង់ទឹកនៅកន្លែងអនុវត្តបច្ចេកទេស:

• ទឹកភ្លៀង និងប្រព័ន្ធស្រោចស្រព

3.5 ក្រុម SLM ដែលបច្ចេកទេសស្ថិតនៅក្នុង

• ការស្តុកទុកទឹក
• ការគ្រប់គ្រងប្រព័ន្ធស្រោចស្រព (រួមទាំងការផ្គត់ផ្គង់ទឹក ប្រព័ន្ធបង្ហូរ)

3.6 វិធានការ SLM ដែលបញ្ចូលនូវបច្ចេកទេស

3.7 កំណត់ប្រភេទនៃការធ្លាក់ចុះគុណភាពដីសំខាន់ៗដែលបច្ចេកទេសនេះបានដោះស្រាយ

3.8 ការពារ កាត់បន្ថយ ឬស្តារឡើងវិញនៃការធ្លាក់ចុះគុណភាពដី

បញ្ជាក់ពីគោលដៅរបស់បច្ចេកទេស ដែលផ្តោតទៅការធ្លាក់ចុះគុណភាពដី:

• ការការពារការធ្លាក់ចុះគុណភាពដី
• ការកាត់បន្ថយការធ្លាក់ចុះគុណភាពដី

4.1 គំនូសបច្ចេកទេសនៃបច្ចេកទេសនេះ

4.2 ព័ត៌មានទូទៅដែលពាក់ព័ន្ធនឹងការគណនាធាតុចូល និងថ្លៃដើម

កំណត់របៀបនៃការគណនាថ្លៃដើម និងធាតុចូល:

• ក្នុងឯកតាបច្ចេកទេស

ផ្សេងៗ/ រូបិយប័ណ្ណជាតិ (បញ្ជាក់):

រៀល

បើពាក់ព័ន្ធសូមកំណត់អត្រាប្តូរប្រាក់ពីដុល្លាទៅរូបិយប័ណ្ណតំបន់ (ឧ.​​ 1 ដុល្លារ​ = 79.9 រៀលនៃរូបិយប័ណ្ណប្រេស៊ីល) ៖ 1 ដុល្លារ =:

4000,0

4.3 សកម្មភាពបង្កើត

	សកម្មភាព	រយៈពេល​ (រដូវកាល)
1.	ការជីកស្រះដោយប្រើគ្រឿងចក្រ	ធ្នូ
2.	ការធ្វើទំនប់ទឹកស្រះ	ធ្នូ
3.	ម៉ាស៊ីនបូមទឹក	ធ្នូ
4.	រៀបចំ និងដំឡើងប្រព័ន្ធតំណក់ទឹក	កុម្ភៈ
5.	ដាំស្មៅលើទំនប់ និងដាក់កញ្ឆែតក្នុងស្រះ	ឧសភា

មតិយោបល់:

ជួលគ្រឿងចក្រ 1 ម៉ោង 200000 រៀល។

4.4 ថ្លៃដើម និងធាតុចូលដែលត្រូវការសម្រាប់ការបង្កើតបច្ចេកទេស

	បញ្ជាក់ពីធាតុចូល	ឯកតា	បរិមាណ	ថ្លៃដើមក្នុងមួយឯកតា	ថ្លៃធាតុចូលសរុប	% នៃថ្លៃដើមដែលចំណាយដោយអ្នកប្រើប្រាស់ដី
កម្លាំងពលកម្ម	ជីកស្រះ និងធ្វើភ្លឺ (ប្រើអេស្កាវ៉ាទ័រ)	ម៉ោង	40,0	200000,0	8000000,0
កម្លាំងពលកម្ម	រៀបចំ និងដំឡើងប្រព័ន្ធតំណក់ទឹក	នាក់-ថ្ងៃ	2,0	40000,0	80000,0	100,0
សម្ភារៈ	ម៉ាស៊ីនបូមទឹក + ប្រព័ន្ធទុយោដំណក់	គ្រឿង	1,0	2720000,0	2720000,0	100,0
ថ្លៃដើមសរុបក្នុងការបង្កើតបច្ចេកទេស					10800000,0
ថ្លៃដើមសរុបក្នុងការបង្កើតបច្ចេកទេសគិតជាដុល្លារ					2700,0

ប្រសិនបើអ្នកប្រើប្រាស់ដីមិនមានថ្លៃដើម 100% សូមបញ្ជាក់ថានរណាដែលចំណាយថ្លៃដើមដែលនៅសល់:

ម្ចាស់គ្រឿងចក្រ

មតិយោបល់:

ដោយម្ចាស់គ្រឿងចក្រយកដីលក់ ហើយម្ចាស់ដីទទួលបានស្រះ។ គាត់ជីកស្រះនៅចុងខែធ្នូ និងដើមខែមករា ឆ្នាំ២០១៣។

4.5 សកម្មភាពថែទាំ

	សកម្មភាព	ពេលវេលា/ ភាពញឹកញាប់
1.	ការស្ការស្រះ	ខែប្រាំង
2.	ការជួសជុលភ្លឺស្រះ	ពេលរាំងភ្លៀង
3.	សកម្មភាពបូមទឹកស្រោចដំណាំ	ពេលរាំងស្ងួត

4.6 កំណត់ថ្លៃដើមសម្រាប់ការថែទាំ/ សកម្មភាពរបស់បច្ចេកទេស (ក្នុងរយៈពេលមួយឆ្នាំ)

	បញ្ជាក់ពីធាតុចូល	ឯកតា	បរិមាណ	ថ្លៃដើមក្នុងមួយឯកតា	ថ្លៃធាតុចូលសរុប	% នៃថ្លៃដើមដែលចំណាយដោយអ្នកប្រើប្រាស់ដី
កម្លាំងពលកម្ម	ស្តារស្រះ និងទប់ភ្លឺស្រះ	នាក់-ថ្ងៃ	7,0	20000,0	140000,0	100,0
សម្ភារៈសាងសង់	ប្រេងបូមស្តារស្រះ	លីត្រ	30,0	2800,0	84000,0	100,0
ថ្លៃដើមសរុបសម្រាប់ការថែទាំដំណាំតាមបច្ចេកទេស					224000,0
ថ្លៃដើមសរុបសម្រាប់ការថែទាំដំណាំតាមបច្ចេកទេសគិតជាដុល្លារ					56,0

4.7 កត្តាសំខាន់បំផុតដែលមានឥទ្ធិពលដល់ការចំណាយ

ពណ៌នាពីកត្តាប៉ះពាល់ចម្បងៗទៅលើថ្លៃដើម:

ថ្លៃឈ្នួលជីកស្រះមានតម្លៃខ្ពស់ណាស់។ ប៉ុន្តែ គេអាចធ្វើទៅបានដោយការសហការជាមួយអ្នកជិកខាងដោយប្រគល់អាចម៍ដីជីកទៅម្ចាស់អិចស្កាវ៉ូទ័រសម្រាប់លក់ ហើយម្ចាស់ដីបានស្រះទឹក។

5.1 អាកាសធាតុ

5.2 សណ្ឋានដី

បញ្ជាក់ថាតើបច្ចេកទេសនេះត្រូវបានអនុវត្តន៍នៅក្នុង:

• សណ្ឋានដីផត

មតិយោបល់ និងបញ្ចាក់បន្ថែមអំពីសណ្ឋានដី :

ជាដីជម្រាលដែលមានកម្រិតជម្រាលប្រហែល ៩ដឺក្រេ។

5.3 ដី

បើអាចសូមភ្ជាប់ការពណ៌នាពីដីឱ្យបានច្បាស់ ឬព័ត៌មានដែលអាចទទួលបាន ឧ. ប្រភេទដី, pH ដី/ ជាតិអាស៊ីត, សមត្ថភាពផ្លាស់ប្តូរកាចុង, វត្តមាននីត្រូសែន, ភាពប្រៃ ។ល។:

ដីស្រទាប់ក្រោមជាប្រភេទដីគ្រួស ថ្មបាយគ្រាម និងមាន pH = 4.5 ហើយដីស្រទាប់លើជាដីល្បាប់។

5.4 ទឹកដែលអាចទាញមកប្រើប្រាស់បាន និងគុណភាពទឹក

តើមានបញ្ហាភាពទឹកប្រៃហូរចូលមកដែរឬទេ?

ទេ

តើទឹកជំនន់កំពុងកើតមាននៅតំបន់នេះដែររឺទេ?

ទេ

5.5 ជីវៈចម្រុះ

5.6 លក្ខណៈនៃអ្នកប្រើប្រាស់ដីដែលអនុវត្តបច្ចេកទេស

សូមបញ្ជាក់ពីលក្ខណៈពាក់ព័ន្ធផ្សេងទៀតអំពីអ្នកប្រើប្រាស់ដី:

កសិករមានអាយុ ៣៤ ឆ្នាំ។

5.7 ទំហំផ្ទៃដីជាមធ្យមនៃដីប្រើប្រាស់ដោយអ្នកប្រើប្រាស់ដី ក្នុងការអនុវត្ត​បច្ចេកទេស

5.8 ភាពជាម្ចាស់ដី កម្មសិទ្ធប្រើប្រាស់ដី និងកម្មសិទ្ធប្រើប្រាស់ទឹក

ភាពជាម្ចាស់ដី:

• ឯកជន មានកម្មសិទ្ធ

• ដីជួលគេ

កម្មសិទ្ធិប្រើប្រាស់ដី:

• កិច្ចសន្យាជួល
• ឯកជន

កម្មសិទ្ធប្រើប្រាស់ទឹក:

• ឯកជន

5.9 ការប្រើប្រាស់សេវាកម្ម និងហេដ្ឋារចនាសម្ព័ន្ធ

6.1 ផលប៉ះពាល់ក្នុងបរិវេណអនុវត្តបច្ចេកទេសដែលកើតមាន

ផលប៉ះពាល់លើសេដ្ឋកិច្ចសង្គម

ផលិតផល

ទឹកដែលអាចទាញមកប្រើប្រាស់បាន និងគុណភាពទឹក

ចំណូល និងថ្លៃដើម

ផលប៉ះពាល់ទៅលើវប្បធម៌សង្គម

ផលប៉ះពាល់ទៅលើអេកូឡូស៊ី

វដ្តទឹក/លំហូរ

ដី

ជីវចម្រុះ៖ ដំណាំ, សត្វ

ការកាត់បន្ថយហានិភ័យនៃគ្រោះមហន្តរាយ និងគ្រោះអាកាសធាតុ

6.2 ផលប៉ះពាល់ក្រៅបរិវេណអនុវត្តបច្ចេកទេសដែលកើតមាន

វាយតម្លៃផលប៉ះពាល់ក្រៅបរិវេណអនុវត្តបច្ចេកទេស (វាស់វែង):

កសិករអាចប្រើប្រាស់ទឹកជាទៀងទាត់ដោយសារតែវាអាចរកបាន

6.3 ភាពប្រឈម និងភាពរួសនៃបច្ចេកទេសទៅនឹងការប្រែប្រួលអាកាសធាតុ និងគ្រោះអាកាសធាតុ/ គ្រោះមហន្តរាយ (ដែលដឹងដោយអ្នកប្រើប្រាស់ដី)

ការប្រែប្រួលអាកាសធាតុ

ការប្រែប្រួលអាកាសធាតុ

	រដូវកាល	កើនឡើង ឬថយចុះ	លក្ខណៈឆ្លើយតបនៃបច្ចេកទេសទៅនឹងការប្រែប្រួលអាកាសធាតុ
សីតុណ្ហភាពប្រចាំឆ្នាំ		កើនឡើង	មធ្យម
សីតុណ្ហភាពប្រចាំរដូវកាល	សើម/រដូវភ្លៀង	កើនឡើង	ល្អណាស់
បរិមាណទឹកភ្លៀងប្រចាំឆ្នាំ		ថយចុះ	ល្អណាស់
បរិមាណទឹកភ្លៀងប្រចាំរដូវកាល	សើម/រដូវភ្លៀង	ថយចុះ	ល្អណាស់
ការប្រែប្រួលអាកាសធាតុផ្សេងៗ	កំដៅកើនឡើងជាងមុន	កើនឡើង	ល្អណាស់

គ្រោះអាកាសធាតុ (មហន្តរាយ) ​

គ្រោះមហន្តរាយជីវៈសាស្ត្រ

	លក្ខណៈឆ្លើយតបនៃបច្ចេកទេសទៅនឹងការប្រែប្រួលអាកាសធាតុ
ការរាតត្បាតនៃជំងឺ	មធ្យម
ការមានបញ្ហាសត្វល្អិត/ដង្កូវ	មធ្យម

មតិយោបល់:

មានទឹកស្រះអាចដាំបន្លែ ឬដាំដំណាំពេលណាក៏បាន

6.4 ការវិភាគថ្លៃដើម និងអត្ថប្រយោជន៍

តើផលចំណេញ និងថ្លៃដើមត្រូវបានប្រៀបធៀបគ្នាយ៉ាងដូចម្តេច (ទស្សនៈរបស់អ្នកប្រើប្រាស់ដី)?

តើផលចំណេញ និងការថែទាំ/ ជួសជុលត្រូវបានប្រៀបធៀបគ្នាយ៉ាងដូចម្តេច (ទស្សនៈរបស់អ្នកប្រើប្រាស់ដី)?

មតិយោបល់:

កសិករផ្សេងមានការចាប់អារម្មណ៍លើស្រះទឹកដែរ ប៉ុន្តែតែមិនហ៊ានជីកព្រោះខ្លាចអត់មានដង្ហើមទឹកក្រោមដីគ្រប់គ្រាន់នៅត្រង់ដីចម្ការរបស់ពួកគេ។

6.5 ការទទួលយកបច្ចេកទេស

• តែមួយករណី /ពិសោធន៍

ក្នុងចំណោមគ្រួសារទាំងអស់ដែលបានអនុវត្តបច្ចេកទេស តើមានប៉ុន្មាន​គ្រួសារ​ដែល​ចង់​ធ្វើ​ដោយ​ខ្លួន​ឯង ដោយមិន​ទទួល​បាន​សម្ភារៈ​លើក​​ទឹកចិត្ត/​ប្រាក់ឧបត្ថម្ភ?​:

• 91-100%

មតិយោបល់:

មិនមានកសិករដទៃទៀតនៅក្នុងតំបន់នេះធ្វើដូចនេះទេ គឺពួកគេបារម្ភថាមិនមានប្រភពទឹកគ្រប់គ្រាន់ដែលនាំឱ្យខាតលុយក្នុងការវិនិយោគលើស្រះ។

6.6 ការបន្សុំា

តើថ្មីៗនេះ បច្ចេកទេសនេះត្រូវបានកែតម្រូវ​ដើម្បី​បន្ស៊ាំ​ទៅនឹង​ស្ថាន​ភាព​ប្រែប្រួល​ដែរ​ឬទេ?

ទេ

6.7 ភាពខ្លាំង/ គុណសម្បត្តិ/ ឱកាសនៃបច្ចេកទេស

ភាពខ្លាំង/ គុណសម្បត្តិ/ ឱកាសនៅកន្លែងរបស់អ្នកប្រើប្រាស់ដី
មានទឹកគ្រប់គ្រាន់សម្រាប់ស្រោចស្រពដំណាំ
មានជម្រើសក្នុងដាំដំណាំបានច្រើនប្រភេទ ព្រោះមានទឹកគ្រប់គ្រាន់

ភាពខ្លាំង/ គុណសម្បត្តិ/ ឱកាស​ ទស្សនៈរបស់បុគ្គលសំខាន់ៗ
អាចស្តុកទឹកសម្រាប់ស្រោចស្រពនៅរដូវប្រាំង និងពេលរាំងស្ងួតបាន
អ្នកជិតខាងអាចប្រើប្រាស់ទឹកស្រះនេះបាន
ការចិញ្ចឹមត្រីខ្នាតតូចអាចក្លាយជាសក្តានុពល និងសក្តានុពលនៃការដាំរុក្ខជាតិក្នុងទឹកមួយចំនួនដែលអាចជាបន្លែ

6.8 ភាពខ្សោយ/ គុណវិបត្តិ/ ហានិភ័យនៃបច្ចេកទេស និងវិធីសាស្ត្រដោះស្រាយ

ភាពខ្សោយ/ គុណវិបត្តិ/ ហានិភ័យ ទស្សនៈរបស់អ្នកប្រើប្រាស់ដី	តើបច្ចេកទេសទាំងនោះបានដោះស្រាយបញ្ហាដូចម្តេច?
បាត់បង់ដីខ្លះដាំដុះដោយសារជីស្រះ	ដោយប្តូរមកចិញ្ចឹមត្រីវិញ
ការជីកស្រះគឺមានតម្លៃថ្លៃ	ស្វែងរកការសហការណ៍ជាមួយដៃគូ ដូចជាម្ចាស់អេស្តាវ៉ាទ័រ សម្រាប់ជាប្រយោជន៍ទៅវិញទៅមក
ត្រូវការស្តារស្រះពីរបីឆ្នាំម្តង	ជួលគេឱ្យធ្វើវា

ភាពខ្សោយ/ គុណវិបត្តិ/ ហានិភ័យ ទស្សនៈរបស់អ្នកចងក្រងឬបុគ្គលសំខាន់ៗ	តើបច្ចេកទេសទាំងនោះបានដោះស្រាយបញ្ហាដូចម្តេច?
កាត់បន្ថយផ្ទៃដីដាំដុះ	អាចប្តូរមកដាំដាំដំណាំនៅលើទឹកនិងចិញ្ចឹមត្រីព្រមទាំងទទួលបានទឹកប្រើប្រាស់
ការជីកស្រះត្រូវចំណាយថ្លៃខ្ពស់	ស្វែងរកការឧបត្ថម្ភពីគម្រោង ឬអង្គការក្រៅរដ្ឋាភិបាល ឬក៏សហការណ៍ជាមួយដៃគូ ដូចជាម្ចាស់អេស្កាវ៉ាទ័រដោយឱ្យគេលក់ដី កសិករយកស្រះដែលបានប្រយោជន៍ទៅវិញទៅមក

7.1 វិធីសាស្ត្រ/ ប្រភពនៃព័ត៌មាន

7.3 ការភ្ជាប់ទៅកាន់ព័ត៌មានពាក់ព័ន្ធលើប្រព័ន្ធអនឡាញ

ចំណងជើង/ ពណ៌នា:

Sustainable Cambodia.(2010). Water & Related Programs Report. retreived 18/01/2018 from

វេបសាយ:

http://www.sustainablecambodia.org/RetrieveDocument.asp?f=Sustainable+Cambodia+Water+%26+Related+Programs+Report%2Epdf

ចំណងជើង/ ពណ៌នា:

Kaufmann,.C.(2016).Use of household ponds for garden irrigation and fish production.Centre for Development and Environment. retreived 18/01/2018 from

វេបសាយ:

https://www.google.com/search?q=Use+of+household+ponds+for+garden+irrigation+and+fish+production&ie=utf-8&oe=utf-8&client=firefox-b-ab