1.2 ຂໍ້ມູນ ການຕິດຕໍ່ພົວພັນ ຂອງບຸກຄົນທີ່ສໍາຄັນ ແລະ ສະຖາບັນ ທີ່ມີສ່ວນຮ່ວມ ໃນການປະເມີນເອກກະສານ ເຕັກໂນໂລຢີ

ຊື່ໂຄງການ ທີ່ອໍານວຍຄວາມສະດວກ ໃນການສ້າງເອກກະສານ/ປະເມີນ ເຕັກໂນໂລຢີ (ຖ້າກ່ຽວຂ້ອງ)

ຊື່ສະຖາບັນ (ຫຼາຍສະຖາບັນ) ທີ່ອໍານວຍຄວາມສະດວກ ໃນການສ້າງເອກກະສານ / ປະເມີນ ເຕັກໂນໂລຢີ (ຖ້າກ່ຽວຂ້ອງ)

1.3 ເງື່ອນໄຂ ກ່ຽວກັບ ການນໍາໃຊ້ຂໍ້ມູນເອກະສານ ທີ່ສ້າງຂື້ນ ໂດຍຜ່ານ ອົງການພາບລວມຂອງໂລກ ທາງດ້ານແນວທາງ ແລະ ເຕັກໂນໂລຢີ ຂອງການອານຸລັກ ທໍາມະຊາດ (WOCAT)

ຜູ້ປ້ອນຂໍ້ມູນ ແລະ ບຸກຄົນສຳຄັນ ທີ່ໃຫ້ຂໍ້ມູນ (ຫຼາຍ) ຍິນຍອມ ຕາມເງື່ອນໄຂ ໃນການນຳໃຊ້ຂໍ້ມູນ ເພື່ອສ້າງເປັນເອກກະສານຂອງ WOCAT:

ແມ່ນ

1.4 ແຈ້ງການວ່າ ດ້ວຍຄວາມຍືນຍົງຂອງ ເຕັກໂນໂລຢີ

ການນໍາໃຊ້ ເຕັກໂນໂລຢີ ດັ່ງກ່າວໄດ້ອະທິບາຍ ເຖິງບັນຫາ ກ່ຽວກັບ ການເຊື່ອມໂຊມຂອງດິນບໍ? ຖ້າບໍ່ດັ່ງນັ້ນ ມັນບໍ່ສາມາດ ຢັ້ງຢືນໄດ້ວ່າ ເປັນເຕັກໂນໂລຊີ ໃນການຄຸ້ມຄອງ ທີ່ດິນແບບຍືນຍົງ? :

ບໍ່ແມ່ນ

2.1 ຄໍາອະທິບາຍສັ້ນຂອງ ເຕັກໂນໂລຢີ

ການກຳໜົດຄວາມໝາຍ ຂອງເຕັກໂນໂລຢີ:

ການປູກຢ່າງໂບງໃນເຂດເປີ້ນພູ ເພື່ອເພີ່ມທະວີປ່າໄມ້ ແລະ ນໍາໃຊ້ພື້ນທ່ີປູກ ເພື່ອການລ້ຽງສັດເຊັ່ນ ງົວ ແລະ ສັດປີກ.

2.2 ການອະທິບາຍ ລາຍລະອຽດ ຂອງເຕັກໂນໂລຢີ

ການພັນລະນາ:

ຢາງໂບງ (Persea kurzii Bong), ເປັນໄມ້ແນວພັນພື້ນເມືອງ ທີ່ມີຕາມທໍາມະຊາດ ເກີດຢູ່ເຂດຕ່າງໆ ໃນ ສປປ ລາວ. ຜ່ານມາຊາວກະສິກອນ ໄປຫາຢາງໂບງທໍາມະຊາດມາຂາຍ ແຕ່ມີປະລິມານຈຳກັດ. ເພ່ືອສືບຕໍ່ສ້າງລາຍຮັບໃຫ້ຊາວກະສິກອນ ຕິດພັນກັບອາຊີບທີ່ເຄີຍເຮັດມາ ການຫັນມາປູກຢາງໂບງ ແມ່ນ ກິດຈະກໍາໜື່ງ ທີ່ເປັນອາຊີບເສີມຂອງຊາວກະສິກອນ. ການປູກຢາງໂບງ ເປັນສວນໄມ້ເສດຖະກິດ ທີ່ໄດ້ບົດຮຽນ ມາຈາກ ພໍ່ຄ້າ ຄົນຫວຽດນາມ (ໃນປີ 2000) ເປັນຜູ້ນໍາມາເຜີຍແຜ່ ໂດຍຜ່ານການທົດລອງປູກ ແລະ ຊາວກະສິກອນ ກໍ່ເຫັນວ່າ ໄດ້ຮັບບົດຮຽນດີ. ໃນປີ2 2006 ຜູ້ນຳໃຊ້ທີ່ດິນ ທີ່ເຄີຍປູກກາເຟ ແລະ ໝາກພິກໄທ ໄດ້ປ່ຽນມາປູກຢາງໂບງ. ຕົກມາເຖີງປີ 2010 ຜູ້ນຳໃຊ້ທີ່ດິນໄດ້ຮັບບົດຮຽນ ການກ້າ ແລະ ປູກຢາງໂບງ ຈາກປະເທດຫວຽດນາມ ໄດ້ລິເລີ່ມກ້າເບ້ຍຢາງໂບງ ແລະ ໄດ້ທົດລອງປູກໃນສວນຕົນເອງ. ຕໍ່ມາກໍ່ມີໂຄງການ International Fund for Agricultural Development (IFAD) ໂດຍຜ່ານ ແຜນງານໂຄງການ ຄ້ຳປະກັນສະບຽງອາຫານ ແລະ ໂພສະນາ ເຊື່ອມໂຍງກັບການຕະຫຼາດ ໄດ້ເຂົ້າມາຊຸກຍູ້ສົ່ງເສີມ ຊາວກະສິກອນ ໃນການປູກຢາງໂບງເປັນສິນຄ້າ.
ຈຸດປະສົງ ເພ່ືອແນໃສ່ ຫຸຼດຜ່ອນການຖາງປ່າເຮັດໄຮ່ ດ້ວຍການສ້າງອາຊີບເສີມ ໃຫ້ຊາວກະສິກອນ ປູກຢາງໂບງ ເປັນສິນຄ້າ, ເພ່ືອສ້າງ ລາຍຮັບໃຫ້ຄອບຄົວ ໂດຍການສະໜອງຝຸ່ນຊີວະພາບ ໃຫ້ຄອບຄົວຕົວແບບ ພ້ອມທັງສະໜອງເຕັກນິກ ໃນການປູກຢາງໂບງ.
ຍ້ອນເຫດຜົນ ແລະ ຂັ້ນຕອນການປະຕິບັດງ່າຍໆ ທີ່ກ່າວມາ ຈ່ືງເຮັດໃຫ້ຊາວກະສິກອນ ສົນໃຈຢາກຫຼາຍຂ້ືນ, ແລະ ຕົ້ນຢາງໂບງ ເປັນຕົ້ນໄມ້ຢືນຕົ້ນ ສາມາດປູກໄດ້ງ່າຍ, ປູກໄດ້ໃນພື້ນທີ່ອາກາດຊຸ່ມຊ່ືນ, ເປັນຕົ້ນໄມ້ທີ່ເຕີບໃຫ່ຍໄວ (ອາຍຸປະມານ 6-7 ປີ ກໍ່ສາມາດກີດ ເອົາເປືອກມາຂາຍໄດ້ ຫຼື ສາມາດ ຕັດເອົາຕົ້ນຢາງໂບງ ໄປຂາຍເປັນສິນຄ້າໄດ້). ຊ່ືງສ້າງລາຍຮັບໃຫ້ຄອບຄົວເປັນໜ້າພໍໃຈ. ປະຈຸບັນເນື້ອທີ່ປູກຢາງໂບງ ຂອງຊາວກະສິກອນ ມີທັງໝົດປະມານ 38 ເຮັກຕາ ຊ່ືງຊາວກະສິກອນ ໄດ້ສືບຕໍ່ຂະຫຍາຍ ເນື້ອທີ່ປູກຢາງໂບງໃນທຸກໆ ປີ (ສະເລ່ຍ 1-2 ເຮັດຕາ/ປີ).
ຊື່ງລາຍລະອຽດເຕັກນິກການປູກຢາງດັາງນີ້: 1) ການກຽມດິນປູກ: ກ່ອນອ່ືນໜົດ ແມ່ນຕ້ອງໄດ້ມີການອານາໄມ້ພ້ືນທີ ໂດຍການເສຍຫຍ້າ ແລ້ວກໍຂຸດຂຸມປູກ ໄປພ້ອມກັນເລີຍ ໃນຊ່ວງຕົ້ນລະດູຝົນ (ເດືອນກໍລະກົດ ເຖີງ ເດືອນ ກັນຍາ), 2) ການວາງໄລຍະປູກ ແລະ ຂຸມປູກ. ໄລຍະຫ່າງລະຫວ່າງຂຸມ/ຕົ້ນ ຢາງ 2.5 × 2.5 m, ຊາວກະສິກອນຕ້ອງວາງຂຸມປູກຢາງ ທົ່ວພື້ນທີ່ ແລະ ຂຸດຂຸມປູກໄວ້. ຂຸດຂຸມປູກເປັນຮູບຈັດຕຸລັດ ມີຄວາມກ້ວາງ ແລະ ເລີກ 25 × 25 cm, ການຂຸດຂຸມ ໂດຍເອົາດິນຊັ້ນໜ້າທີ່ ໄດ້ຈາກການຂຸດຂຸມ
ຂ້ືນມາກອງໄວ້ຢູ່ບໍລິເວນອ້ອມແອ້ມຂຸມກ່ອນ. 3) ການປູກຢ່າງ ແລະ ການໃສ່ຝຸ່ນ: ກ່ອນຈະປູກຢາງໂບງ ນຳໃຊ້ຝຸ່ນຊີວະພາບປົນກັບດິນກົ້ນຂຸມປະມານ 0.5 ກິໂລກຣາມ ຕໍ່ ຂຸມ, ເອົາດິນທີ່ ກອງໄວ້ລົງໜ້ອຍໜື່ງ ຈື່ງວາງເບັ້ຍຢາງລົງ, ເອົາດິນຖົມຂຸມ ແລ້ວ ເອົາມືຂົ່ມດິນລົງ ໃຫ້ເຕັມຂຸມ, ຖ້າເບັ້ຍຕົ້ນຢາງສູງ ອ່ອນ ກໍສາມາດເອົາຫຼັກໄມ້ມາປັກ ແລະ ມັດຄືງຕົ້ນຢາງໄວ້ ບໍ່ໃຫ້ລົ້ມ. 4) ການບົວລະບັດຮັກສາ: ຫຼັງການປູກ 2-3 ເດືອນ ຖ້າສັງເກດເຫັນຕົ້ນຢາງໂບງ ຕົ້ນໃດບໍ່ງາມ ກໍໃສ່ຝຸ່ນຊີວະພາບຕື່ມ, ຫຼື ກໍາຈັດຫຍ້າໄປນໍາ ຄວນໃຊ້ເສດພືດທີ່ຕັດອອກ ປົກຂຸມປູກຢາງ ເພື່ອຮັກສາຄວາມຊຸ່ມຊື່ນຂອງດິນ ພ້ອມດຽວກັນນັ້ນ ເສດພືດທີ່ເນົ່າເປືອຍຢູ່ເທິງໜ້າດິນ ຈະເພີ່ມ ອິນຊີວັດຖຸໃນດິນຕາມທໍາະຊາດຂອງມັນ. ໃນກໍລະນີແຫ້ງແລ້ງ ດິນແໜ້ນ ຕ້ອງຊ່ວຍໃຫ້ນໍ້າ ແກ່ຕົ້ນຢາງ ທັງເປັນການປ້ອງກັນດິນແຕກເຫີບ ຊ່ືງເປັນສາຍເຫດເຮັດໃຫ້ຮາກຢາງຂາດ ແລະ ຕາຍໄດ້.
ຈຸດດີ ສຳລັບເຕັກນິກການປູກຢາງໂບງຢູ່ເຂດຄ້ອຍຊັນ ແມ່ນ ສາມາດສ້າງລາຍຮັບ ທາງກົງຕໍ່ຄອບຄົວຊາວກະສິກອນ ຍັງສາມາດເປັນຮົ່ມ, ໃບຢາງໂບງ ທີ່ຕົກລົງດິນ ສາມາດເພີ່ມອິນຊີວັດຖຸໃນດິນ, ຮັກສາຄວາມຊຸ່ມຊ່ືນຂອງດິນ ດິນອຸດົມ ສົມບູນຂ້ືນ. ກ້ອງຕົ້ນຢາງເກີດມີເຄືອຂີ້ກະເດືອນ ແລະ ຫຍ້າຕ່າງໆ ທີ່ເປັນອາຫານໃຫ້ສັດລ້ຽງໄດ້.
ຕົ້ນຢາງໂບງອາຍຸໄດ້ 3 ປີ ຂື້ນໄປ ຜູ້ນຳໃຊ້ທີ່ດິນກໍ່ສາມາດ ນຳສັດລ້ຽງ ເປັນຕົ້ນແມ່ນງົວ ເຂົ້າປ່ອຍໃນເຂດພື້ນທີ່ດັ່ງກ່າວໄດ້ ແລະ ນອກຈາກນັ້ນ ກໍ່ສາມາດລ້ຽງເປັດ ແລະ ໄກ່ໄດ້ ເພາະເປັດໄກ່ ເພາະເປັດໄກ່ສາມາດເຂົ້າໄປກິນຂີ້ກະເດືອນ ຢູ່ພາຍ ໃນກ້ອງຕົ້ນຢາງໂບງໄດ້ ເຮັດໃຫ້ສັດໃຫຍ່ໄວ ແລະ ມີນ້ຳໜັກດີ.
ຈຸດອ່ອນຂອງການປູກຢາງໂບງ ພາຍຫຼັງທີ່ ຕົ້ນຢາງໂບງໃຫຍ່ ກ່ໍເປັນປ່າຮົກເຮ້ືອ, ອາດຈະມີ ງູມາອາໃສຢູ່, ໂຕຕໍຫຼື ໂຕແຕນ ແລະ ຍູງຫຼາຍ.

2.3 ຮູບພາບຂອງເຕັກໂນໂລຢີ

2.5 ປະເທດ / ເຂດ / ສະຖານທີ່ບ່ອນທີ່ ເຕັກໂນໂລຢີ ໄດ້ຮັບການນໍາໃຊ້ ແລະ ທີ່ຖືກປົກຄຸມດ້ວຍການປະເມີນຜົນ

ປະເທດ:

ລາວ

ພາກພື້ນ / ລັດ / ແຂວງ:

ແຂວງສາລະວັນ

ຂໍ້ມູນເພີ່ມເຕີມຂອງສະຖານທີ່:

ເມືອງສະໝ້ວຍ

ໃຫ້ລະບຸ ການແຜ່ຂະຫຍາຍ ເຕັກໂນໂລຢີ:

• ແຜ່ຂະຫຍາຍຢ່າງໄວວາໃນພື້ນທີ່

ຖ້າຫາກບໍ່ຮູ້ເນື້ອທີ່ທີ່ແນ່ນອນ, ໃຫ້ລະບຸ ເນື້ອທີ່ໂດຍປະມານ ທີ່ໃກ້ຄຽງ:

• 0.1-1 ກມ 2

Map

×

2.6 ວັນທີໃນການຈັດຕັ້ງປະຕິບັດ

ໃຫ້ລະບຸປີ ໃນການຈັດຕັ້ງປະຕິບັດ:

2010

ຖ້າຫາກວ່າ ບໍ່ຮູ້ຈັກ ປີທີ່ຊັດເຈນ ແມ່ນໃຫ້ປະມານ ວັນທີເອົາ:

• ຕໍ່າກວ່າ 10 ປີ ຜ່ານມາ (ມາເຖິງປະຈຸບັນ)

2.7 ການນໍາສະເໜີ ເຕັກໂນໂລຢີ

ໃຫ້ລະບຸ ເຕັກໂນໂລຢີ ໄດ້ຖືກຈັດຕັ້ງປະຕິບັດຄືແນວໃດ?

• ໂດຍຜ່ານໂຄງການ / ການຊ່ວຍເຫຼືອຈາກພາຍນອກ

3.1 ຈຸດປະສົງຫຼັກ (ຫຼາຍ) ຂອງເຕັກໂນໂລຢີ

• ຫຼຸດຜ່ອນ, ປ້ອງກັນ, ຟື້ນຟູ ການເຊື່ອມໂຊມຂອງດິນ
• ສ້າງຜົນກະທົບ ທາງເສດຖະກິດ ທີ່ເປັນປະໂຫຍດ

3.2 ປະເພດການນໍາໃຊ້ທີ່ດິນ ໃນປະຈຸບັນ() ທີ່ເຕັກໂນໂລຢີ ໄດ້ຖືກນໍາໃຊ້

ປ່າໄມ້ / ປ່າ

• (ເຄິ່ງ) ປ່າໄມ້ທໍາມະຊາດ / ປ່າປູກໄມ້
• ການປູກຕົ້ນໄມ້, ການປູກປ່າ

(ເຄີ່ງ) ປ່າທໍາມະຊາດ / ປ່າປູກ: ລະບຸປະເພດການຄຸ້ມຄອງ:

• ການຖາງປ່າເຮັດໄຮ່

ການປູກຕົ້ນໄມ້, ປູກປ່າ: ລະບຸ ຕົ້ນກຳເນີດ ແລະ ອົງປະກອບ ຂອງສາຍພັນ:

• ການປູກໄມ້ ແນວພັນພື້ນເມືອງ ຊະນິດດຽວ

ຜົນຜະລິດ ແລະ ການບໍລິການ:

• ທົ່ງຫຍ້າ

• ໃຊ້ໃນການປຸກເຮືອນ ແລະ ເຮັດຮົ້ວສວນ

ຄວາມຄິດເຫັນ:

ຈໍານວນ ລະດູການ ປູກໃນປີໜຶ່ງ: 1
ຄວາມໜາແໜ້ນ ຂອງສັດລ້ຽງ: ປ່ອຍງົວໃສ່ເນື້ອທີປູກໂບງ 2 ໂຕ/ເຮັກຕາ ມີງົວທັງໝົດ 15 ໂຕ

3.4 ການສະໜອງນ້ຳ

ການສະໜອງນໍ້າ ໃນພື້ນທີ່ ທີ່ໄດ້ນໍາໃຊ້ ເຕັກໂນໂລຢີ:

• ນໍ້າຝົນ

3.5 ການນໍາໃຊ້ເຕັກໂນໂລຢີ ທີ່ຢູ່ໃນກຸ່ມການຄຸ້ມຄອງ ທີ່ດິນແບບຍືນຍົງ

• ກະສິກໍາ-ປ່າໄມ້ ແບບປະສົມປະສານ
• ການຄຸ້ມຄອງສັດລ້ຽງ ແລະ ທົ່ງຫຍ້າລ້ຽງສັດ
• ການຈັດການອຸດົມສົມບູນ ຂອງດິນປະສົມປະສານ

3.6 ມາດຕະການ ການຄຸ້ມຄອງ ທີ່ດິນແບບຍືນຍົງ ປະກອບດ້ວຍ ເຕັກໂນໂລຢີ

ມາດຕະການ ທາງດ້ານການຄຸ້ມຄອງ

• M1: ການປ່ຽນແປງ ປະເພດ ການນໍາໃຊ້ທີ່ດິນ

3.7 ປະເພດດິນເຊື່ອມໂຊມ ຫຼັກທີ່ໄດ້ນໍາໃຊ້ ເຕັກໂນໂລຢີ

ດິນເຊາະເຈື່ອນ ໂດຍນໍ້າ

• Wg: ການເຊາະເຈື່ອນຮ່ອງນ້ຳ / ຫ້ວຍ

ການເຊື່ອມໂຊມ ທາງຊີວະພາບ

• Bc: ການຫຼຸດຜ່ອນການປົກຫຸ້ມຂອງພືດ
• Bq: ປະລິມານ / ອິນຊີວັດຖຸຫຼຸດລົງ
• Bf: ຜົນກະທົບ ຄວາມເສຍຫາຍ ຈາກໄຟໄໝ້

3.8 ການປ້ອງກັນ, ການຫຼຸດຜ່ອນ, ຫຼືການຟື້ນຟູຂອງການເຊື່ອມໂຊມຂອງດິນ

ໃຫ້ລະບຸ ເປົ້າໝາຍ ເຕັກໂນໂລຢີ ທີ່ພົວພັນ ກັບຄວາມເຊື່ອມໂຊມຂອງດິນ:

• ປ້ອງກັນການເຊື່ອມໂຊມຂອງດິນ
• ຫຼຸດຜ່ອນການເຊື່ອມໂຊມຂອງດິນ

4.1 ເຕັກນິກ ໃນການແຕ້ມແຜນວາດ ເຕັກໂນໂລຢີ

ຄຸນລັກສະນະ ຂອງເຕັກນິກ (ທີ່ກ່ຽວຂ້ອງ ກັບການແຕ້ມແຜນວາດ ທາງດ້ານເຕັກນີກ):

ປະລິມານ ເບ້ຍຢາງໂບງ ປະມານ 1600 ເບ້ຍ/ເຮັກຕາ
ການປູກຢາງໂບງ ແມ່ນປູກໃສ່ພື້ນທີ່ ທີ່ມີຄວາມຄອຍຊັນ ຂອງພື້ນທີ່ປະມານ 16-30 %
ການປູກຢາງໂບງ ຂຸມມີຄວາມເລີກ 20 cm. ກ້ວາງ 25 x 25 cm
ໄລຍະຫ່າງ ຂອງຕົ້ນຢາງໂບງ 2.5 x 2.5 ແມັດ

ຜູ້ຂຽນ:

ທ້າວ ຈິມມີ້ ຫຼວງພິທັກ

ວັນທີ:

17/05/2017

4.2 ຂໍ້ມູນທົ່ວໄປກ່ຽວກັບການຄິດໄລ່ປັດໃຈຂາເຂົ້າໃນການຜະລິດ ແລະ ມູນຄ່າອື່ນໆ

ລະບຸ ວິທີການ ຄຳໃຊ້ຈ່າຍ ແລະ ປັດໄຈນໍາເຂົ້າ ທີ່ໄດ້ຄິດໄລ່:

• ຕໍ່ພື້ນທີ່ ທີ່ໄດ້ຈັດຕັ້ງປະຕິບັດ ເຕັກໂນໂລຢີ

ສະກຸນເງິນອື່ນໆ / ປະເທດອື່ນໆ (ລະບຸ):

ກີບ

ຖ້າກ່ຽວຂ້ອງ, ໃຫ້ລະບຸອັດຕາແລກປ່ຽນຈາກ USD ເປັນສະກຸນເງິນທ້ອງຖິ່ນ (ເຊັ່ນ: 1 USD = 79.9 Brazilian Real): 1 USD =:

8000.0

4.3 ການສ້າງຕັ້ງກິດຈະກໍາ

4.4 ຕົ້ນທຶນ ແລະ ປັດໄຈຂາເຂົ້າທີ່ຈໍາເປັນໃນຈັດຕັ້ງປະຕິບັດ

ຄວາມຄິດເຫັນ:

ຈໍານວນຂຸມ, ການປູກ ແລະ ເບ້ຍເບ້ຍທີ່ກ່າວມາຂ້າງເທິງແມ່ນ 1 ເຮັກຕາ.
ນັ້ນຫມາຍຄວາມວ່າໃນ 38 ເຮັກຕາຊາວກະສິກອນຈະມີ 1600 ຂຸມ x 38 ເຮັກຕາ = 60.800 ຂຸມ, ການປູກ ແລະ ເບ້ຍ
ດັ່ງນັ້ນແຮງງານສໍາລັບການຂຸດຂຸມໃນ 38 ເຮັກຕາແມ່ນ 500 x 60,800 = 30,400,000 ກີບ
ແຮງງານສໍາລັບການປູກຕົ້ນໄມ້ໃນ 38 ເຮັກຕາແມ່ນ 1000 x 60,800 = 60,800,000 ກີບ
ແລະເບ້ຍໄມ້ ຕົ້ນທືນໃນ 38 ເຮັກຕາແມ່ນ 1000 x 60,800 = 60,800,000 ກີບ

4.5 ບໍາລຸງຮັກສາ / ແຜນຈັດຕັ້ງປະຕິບັດ ກິດຈະກໍາ

4.6 ຄ່າໃຊ້ຈ່າຍ ແລະ ປັດໄຈນໍາເຂົ້າທີ່ຈໍາເປັນສໍາລັບການບໍາລຸງຮັກສາກິດຈະກໍາ / ແຜນປະຕິບັດ (ຕໍ່ປີ)

4.7 ປັດໄຈ ທີ່ສໍາຄັນ ທີ່ສົ່ງຜົນກະທົບ ຕໍ່ຄ່າໃຊ້ຈ່າຍ

ໃຫ້ອະທິບາຍ ປັດໃຈ ທີ່ສົ່ງຜົນກະທົບ ຕໍ່ຕົ້ນທຶນ ໃນການຈັດຕັ້ງປະຕິບັດ:

ແຮງງານແມ່ນປັດໃຈສໍາຄັນ ໂດຍສະເພາະ ແມ່ນເ ຂດພື້ນທີ່ທີ່ຕ້ອງການການບໍາລຸງຮັກສາຫຼາຍກວ່າເກົ່າ

5.1 ອາກາດ

5.2 ພູມິປະເທດ

ໃຫ້ລະບຸ ເຕັກໂນໂລຢີ ທີ່ໄດ້ຖືກນຳໃຊ້:

• ບໍ່ກ່ຽວຂ້ອງ

5.3 ດິນ

5.4 ມີນໍ້າ ແລະ ຄຸນນະພາບ

ມີບັນຫາ ກ່ຽວກັບນໍ້າເຄັມບໍ່?

ບໍ່ແມ່ນ

ເກີດມີນໍ້າຖ້ວມ ໃນພື້ນທີ່ບໍ່?

ບໍ່ແມ່ນ

5.5 ຊີວະນາໆພັນ

5.6 ຄຸນລັກສະນະ ຂອງຜູ້ນໍາໃຊ້ທີ່ດິນ ທີ່ໄດ້ນໍາໃຊ້ເຕັກໂນໂລຢີ

5.7 ເນື້ອທີ່ສະເລ່ຍຂອງດິນ ທີ່ຜູ້ນຳໃຊ້ທີ່ດິນ ໃຊ້ເຮັດເຕັກໂນໂລຢີ

5.8 ເຈົ້າຂອງທີ່ດິນ, ສິດໃຊ້ທີ່ດິນ, ແລະ ສິດທິການນໍາໃຊ້ນໍ້າ

ເຈົ້າຂອງດິນ:

• ບຸກຄົນ, ທີ່ມີຕໍາແໜ່ງ

ສິດທິ ໃນການນໍາໃຊ້ທີ່ດິນ:

• ບຸກຄົນ

ສິດທິ ໃນການນໍາໃຊ້ນໍ້າ:

• ເປີດກວ້າງ (ບໍ່ມີການຈັດຕັ້ງ)

5.9 ການເຂົ້າເຖິງການບໍລິການ ແລະ ພື້ນຖານໂຄງລ່າງ

6.1 ການສະແດງຜົນກະທົບ ພາຍໃນພື້ນທີ່ ທີ່ໄດ້ຈັດຕັ້ງປະຕິບັດ ເຕັກໂນໂລຢີ

ຜົນກະທົບທາງເສດຖະກິດສັງຄົມ

ການຜະລິດ

ລາຍໄດ້ ແລະ ຄ່າໃຊ້ຈ່າຍ

ຜົນກະທົບດ້ານວັດທະນາທໍາສັງຄົມ

ຜົນກະທົບຕໍ່ລະບົບນິເວດ

ດິນ

ການຫຼຸດຜ່ອນ ຄວາມສ່ຽງ ຈາກໄພພິບັດ ແລະ ອາກາດປ່ຽນແປງ

6.2 ຜົນກະທົບທາງອ້ອມ ຈາກການນໍາໃຊ້ເຕັກໂນໂລຢີ

6.3 ການປ້ອງກັນ ແລະ ຄວາມບອບບາງ ຂອງເຕັກໂນໂລຢິ ໃນການປ່ຽນແປງສະພາບດິນຟ້າອາກາດ ແລະ ກ່ຽວຂ້ອງກັບອາກາດທີ່ມີການປ່ຽນແປງທີ່ຮຸນແຮງ / ໄພພິບັດທາງທໍາມະຊາດ (ຮັບຮູ້ໄດ້ໂດຍຜູ້ນໍາໃຊ້ທີ່ດິນ)

ການປ່ຽນແປງດິນຟ້າອາກາດ ເທື່ອລະກ້າວ

ການປ່ຽນແປງດິນຟ້າອາກາດ ເທື່ອລະກ້າວ

ອາກາດ ທີ່ກ່ຽວພັນກັບຄວາມຮຸນແຮງ (ໄພພິບັດທາງທໍາມະຊາດ)

ໄພພິບັດທາງອຸທົກກະສາກ

6.4 ການວິເຄາະຕົ້ນທຶນ ແລະ ຜົນປະໂຫຍດ

ຈະເຮັດປະໂຫຍດເພື່ອປຽບທຽບກັບຄ່າໃຊ້ຈ່າຍກັບສິ່ງກໍ່ສ້າງ (ຈາກທັດສະນະຂອງຜູ້ນຳໃຊ້ທີ່ດິນ) ໄດ້ແນວໃດ?

ຈະໄດ້ຮັບຜົນປະໂຫຍດເມື່ອປຽບທຽບກັບ / ຄ່າໃຊ້ຈ່າຍໃນການບຳລຸງຮັກສາທີເ່ກີດຂື້ນອິກ (ຈາກທັດສະນະຄະຕິຂອງຜູ້ນຳໃຊ້ທີ່ດິນ) ໄດ້ແນວໃດ?

6.5 ການປັບຕົວຮັບເອົາເຕັກໂນໂລຢີ

• 11-50%

ທັງໝົດນັ້ນ ແມ່ນໃຜ ໄດ້ປັບຕົວເຂົ້າ ໃນການນໍາໃຊ້ ເຕັກໂນໂລຢີ, ມີຈັກຄົນ ທີ່ສາມາດເຮັດເອງໄດ້, ຕົວຢ່າງ, ປາດສະຈາກ ການຊ່ວຍເຫຼືອ ທາງດ້ານອຸປະກອນ / ການຈ່າຍເປັນເງິນ?

• 11-50%

ຄວາມຄິດເຫັນ:

ປະມານ 24 ຄອບຄົວ

6.6 ການປັບຕົວ

ໄດ້ມີການດັດປັບ ເຕັກໂນໂລຢີ ເພື່ອໃຫ້ແທດເໝາະກັບເງື່ອນໄຂ ການປ່ຽນແປງບໍ?

ບໍ່ແມ່ນ

6.7 ຈຸດແຂງ / ຂໍ້ດີ / ໂອກາດ ໃນການນໍາໃຊ້ ເຕັກໂນໂລຢີ

6.8 ຈຸດອ່ອນ / ຂໍ້ເສຍ / ຄວາມສ່ຽງ ໃນການນໍາໃຊ້ ເຕັກໂນໂລຢີ ແລະ ວິທີການແກ້ໄຂບັນຫາ

7.1 ວິທີການ / ແຫຼ່ງຂໍ້ມູນ