SLM Database

ការប្រើក្រដាសកាសែតចាស់ៗរុំស្រោបផ្លែម្រះ គឺក្នុងគោលបំណងការពារផ្លែតាមបែបរូបសាស្ត្រទប់ទល់នឹង សត្វល្អិត កំដៅថ្ងៃ និងជៀសវាងការប៉ះផ្ទាល់នឹងថ្នាំពុលនៅពេលមានតម្រូវការបាញ់ថ្នាំ។ ការដាំនេះកសិករបានប្រើ ជីលាមកគោក្របី ជីក្បាលត្រី ដោយរួមផ្សំនឹងជីអ៊ុយរ៉េ (46-0-0) ដើម្បីបង្កើនគុណភាពដី។

• Compiler: vann vun
• 04/25/2017 6:52 ص

ការដាំដំណាំត្រប់វែងតាមចន្លោះដើមក្រូចឆ្មារដោយប្រើកាកសំណល់ពីបន្ទប់ទឹកជាមួយកាកសំណល់ពីដំណាំផ្សេងៗដើម្បីជំនួយសារធាតុចិញ្ចឹមដល់ដីដោយមិនប្រើប្រាស់ជីគីមី។

• Compiler: Be Gechkim
• 08/28/2017 8:48 ص

កាកសំណល់ពីឡជីវឧស្ម័នផលិតពីលាមកគោ ប្រើប្រាស់ធ្វើជាជីធម្មជាតិដ៏សំខាន់សម្រាប់ការងារដាំដុះ គឺជាប្រភេទ ជីសរីរាង្គពីធម្មជាតិដែលរលួយល្អ គ្មានក្លិនស្អុយ មិនមានគ្រាប់ស្មៅចង្រៃ ផ្សិត និងមេរោគផ្សេងៗ ហើយអាចប្រើ ប្រាស់បានភ្លាមៗក្រោយការបង្ហូរចេញ។ ជីប្រភេទនេះជួយបង្កើនគុណភាពដី រយៈពេលវែង ដោយសារវាជាជីសរីរាង្គ ដែលបម្លែងជាបណ្តើរៗជាសារធាតុចិញ្ចឹមសម្រាប់រុក្ខជាតិ។

• Compiler: Nary Lay
• 05/02/2017 6:54 ص

សូឡាបូមទឹកជាបច្ចេកទេសមួយដែលប្រើប្រាស់បន្ទះសូឡាសម្រាប់ទាញយកប្រភពថាមពលពីព្រះអាទិត្យ ហើយបំលែងជាថាមពលអគ្គិសនីដើម្បីដំណើរការម៉ូទ័រសម្រាប់បូមទឹកពីប្រភពនានារួមទាំងប្រភពទឹកក្រោមដីផងដែរ។ សូឡាបូមទឹកអាចកាត់បន្ថយការចំណាយ និងមិនមានបញ្ចេញឧស្ម័ន (CO2) ដែលជាជម្រើសល្អនៃការបង្កើនភាពធន់ទ្រាំ និងរួមចំណែកការកាត់បន្ថយការប្រែប្រួលអាកាសធាតុ។

• Compiler: Sok Pheak
• 10/12/2017 9:12 ص

បច្ចេកទេសដាំត្រប់វែងដោយប្រើគម្របថង់(បន្ទះ)ប្លាស្ទិក និងស្រោចស្រពដោយប្រព័ន្ធតំណក់ទឹកដើម្បីទប់ស្កាត់ការដុះលូតលាស់របស់ស្មៅចង្រៃ រក្សាសំណើមដី សន្សំសំចៃទឹក និងកាត់បន្ថយកម្លាំងពលកម្មក្នុងការ ថែទាំ សម្អាតស្មៅ ស្រោចទឹក និងដាក់ជី ដើម្បីបង្កើនផលិតកម្ម និងប្រាក់ចំណូល។

• Compiler: Navin Chea
• 08/21/2017 10:19 ص

ការដាំដំណាំបន្ថែមបំពេញចន្លោះដីដោយដាំត្រប់វែងនៅចន្លោះដើមស្វាយប្រើចំបើងគ្របលើគល់ដំណាំ និង ពង្រាយពេញលើដីដើម្បីរក្សាសំណើម ការពាររំហួតដោយកម្តៅថ្ងៃ។ ពេលចំបើងរលួយក្លាយជាជី និងធ្វើឱ្យដីធូរ។ កសិករអាចប្រមូលផលបានពីការដាំដំណាំអាយុកាលខ្លី ក្នុងរយៈពេលពី៣ ឆ្នាំដំបូងមុនពេលដើមស្វាយផ្តល់ផលពេញលេញ។

• Compiler: Navin Chea
• 05/17/2017 4:16 ص

ការដាំម្ទេស (ឬដំណាំរយៈពេលខ្លីផ្សេងៗទៀត) តាមចន្លោះដើមក្រូចពោធិ៍សាត់ទើបដាំថ្មី ជាប្រព័ន្ធកសិរុក្ខកម្ម ដើម្បីបង្កើនចំណូល ប្រើប្រាស់អស់លទ្ធភាពដី ចំណេញពេលវេលាថែទាំ ស្រោចស្រព និងបង្កើនជីជាតិដីដោយប្រើប្រាស់កាកសំណល់ពីដំណាំជាមួយលាមកគោជួយកាត់បន្ថយការប្រើប្រាស់ជីគីមី។

• Compiler: Be Gechkim
• 09/08/2017 5:58 ص

ប្រព័ន្ធកសិកម្មចម្រុះគឺជាការធ្វើកសិកម្មច្រើនប្រភេទដែលមានដូចជា៖ផលិតកម្មដំណាំ ការចិញ្ចឹមសត្វ និងការចិញ្ចឹមត្រីនៅលើទីតាំងតែមួយ។ ការអនុវត្តប្រព័ន្ធកសិកម្មចម្រុះ បានជួយបង្កើនគុណភាពដី និងបង្កើនផលិតផលឈើហូបផ្លែយ៉ាងមានប្រសិទ្ធភាពដោយបានប្រើប្រាស់ធនធានក្នុងចម្ការឱ្យអស់លទ្ធភាពកាត់បន្ថយធាតុចូលកសិកម្មពីខាងក្រៅ។

• Compiler: Sok Pheak
• 05/17/2017 10:06 ص

ការដាំបន្លែឆ្លាស់រង ដោយប្រើប្រភេទផ្សេងៗគ្នា (សាឡាដ ស្ពៃតឿ ស្ពៃចង្កឹះ ស្ពៃក្រញ៉ាញ់ និង​ត្រកួន) ដើម្បី​កាត់​បន្ថយ​ការ​បំផ្លាញ​ពី​សត្វល្អិត​ដោយ​រួមផ្សំ​​ជាមួយ​ការ​សម្លាប់​មេរោគ​ក្នុង​ដី​​មុនពេល​​ដាំ​ដោយ​​​​ប្រើ​កំបោរ ហើយ​ក៏​បាន​ប្រើថ្នាំ​កំចាត់​សត្វល្អិត​ផ្សំ​ពីរុក្ខជាតិ​ផងដែរ​​ក្នុងពេល​ដាំ​ដុះ។ ​បច្ចេក​​ទេស​​​​​​នេះ​​​បាន​​​អនុវត្ត​​​លើ​ការ​ដាំ​បន្លែ​តាម​​ច្រាំង​​ទន្លេ​មេគង្គ​ក្នុង​ខេត្តក្រចេះ។

• Compiler: Nary Lay
• 04/23/2017 6:10 م