1.2 ព័ត៌មានលម្អិតពីបុគ្គលសំខាន់ៗ និងស្ថាប័នដែលចូលរួមក្នុងការវាយតម្លៃ និងចងក្រងឯកសារនៃបច្ចេកទេស

ឈ្មោះគម្រោងដែលបានចងក្រងឯកសារ/ វាយតម្លៃលើបច្ចេកទេស (បើទាក់ទង)

Scaling-up SLM practices by smallholder farmers (IFAD)

ឈ្មោះអង្គភាពមួយ (ច្រើន) ដែលបានចងក្រងឯកសារ/ វាយតម្លៃបច្ចេកទេស (បើទាក់ទង)

Royal University of Agriculture (RUA) - ប្រទេសកម្ពុជា

1.3 លក្ខខណ្ឌទាក់ទងទៅនឹងការប្រើប្រាស់ទិន្នន័យដែលបានចងក្រងតាមរយៈ វ៉ូខេត

អ្នកចងក្រង និង(បុគ្គលសំខាន់ៗ)យល់ព្រមទទួលយកនូវលក្ខខណ្ឌនានាទាក់ទងទៅនឹងការប្រើប្រាស់ទិន្នន័យដែលបានចងក្រងតាមរយៈវ៉ូខេត:

បាទ/ចា៎

1.4 សេចក្តីប្រកាសស្តីពីចីរភាពនៃការពណ៌នាពីបច្ចេកទេស

តើបច្ចេកទេសដែលបានពណ៌នានេះមានបញ្ហាដែលផ្តោតលើការធ្លាក់ចុះគុណភាពដី, បើដូច្នេះវាមិនអាចត្រូវបានប្រកាសថាជាបច្ចេកទេសនៃការគ្រប់គ្រងប្រកបដោយចីរភាពទេ?

ទេ

2.1 ការពណ៌នាដោយសង្ខេបពីបច្ចេកទេស

និយមន័យបច្ចេកទេស:

បច្ចេកទេសគម្របដីដោយប្រើធាងដូងសម្រាប់ដំណាំត្រឡាច ដើម្បីរក្សាសំណើមដី កាត់បន្ថយរំហួត បន្ថយស្មៅចង្រៃ សន្សំសំចៃទឹក ការពារការហូរច្រោះ និងបង្កើនទិន្នផលដំណាំ។

2.2 ការពណ៌នាលម្អិតពីបច្ចេកទេស

ការពណ៌នា:

ក្នុងបច្ចេកទេសនេះ កសិករយកធាងដូងស្រស់ ឬស្ងួតដាក់នៅជុំវិញរងត្រឡាចដើម្បីរក្សាសំណើមបានយូរ កាត់បន្ថយការហូតហែងដោយសារខ្យល់ និងសីតុណ្ហភាពក្តៅខ្លាំងជា ពិសេសនៅរដូវប្រាំង។ ការប្រើធាងដូងសម្រាប់ជាគម្របលើរងដំណាំត្រឡាចនេះ ក្រៅពីរក្សាសំណើមគឺនៅការពារដីពីការហូរច្រោះ ធ្វើឱ្យដីស្រូបទឹកបានល្អ បន្ថយការដុះស្មៅចង្រៃ ហើយរលួយបង្កើនជីជាតិដីទៀតផង។ ដីដែលសមស្របសម្រាប់ដំណាំត្រឡាច គឺជាប្រភេទដីល្បាប់ ល្បាយខ្យាច់ និងដីដែលនៅតាមវាលទំនាបមួយចំនួនមាន pH ចន្លោះ ៥.០ ទៅ ៦.៣។ ប្រសិនបើ pH ទាបជាង ៥.០ ការលូតលាស់របស់ ផ្លែពុំសូវល្អ និងធ្វើឱ្យដំណាំទុំមុនអាយុកាល ឬជួនកាលផ្លៃត្រឡាចស្ពោតដោយសារខ្វះសារធាតុចិញ្ចឹម (TSTD, 2012)។ ឬសរបស់ត្រឡាចមានលទ្ធភាពចាក់ចូលទៅក្នុងដីបានពី ៦៥ ទៅ ១០០ សង់ទីម៉ែត្រជា ពិសេសលើប្រភេទដីខ្យាច់។ ដំណាំប្រភេទនេះមិនត្រូវដាំនៅទីណាដែលមានខ្យល់បក់ខ្លាំងនោះទេព្រោះពេលណាសីតុណ្ហភាពឡើងខ្ពស់ហើយមានខ្យល់បក់ខ្លាំងទៀតនោះធ្វើឱ្យរុក្ខជាតិមានការបាត់បង់ជាតិ ទឹកយ៉ាងច្រើនដោយសារការដកដង្ហើមបំភាយចំហាយទឹកតាមស្លឹក។ តំបន់បែបនេះពេលខ្លះទទួលរងសីតុណ្ហភាពខ្លាំងហើយវានឹងធ្វើឱ្យត្រឡាចដុះលូតលាស់មិនល្អ។

បច្ចេកទេសគម្របដីដោយប្រើធាងដូងសម្រាប់ដំណាំត្រឡាចនេះបានអនុវត្តនៅលើផ្ទៃដីទំហំ ២៨០ ម៉ែត្រការ៉េដោយលើករងកម្ពស់ពី ២០ ទៅ ៣០ សង់ទីម៉ែត្រ ដែលរងនីមួយៗមានទទឹងប្រវែង ១ ម៉ែត្រ និង បណ្តោយមានប្រវែង ៤០ ម៉ែត្រចន្លោះពីរងមួយទៅរងមួយទៀតមានចម្ងាយ ១,៥ ម៉ែត្រ សរុបទាំងអស់មាន ៨ រង ហើយរងនីមួយៗបានដាំត្រឡាចចំនួន ៤០ គុម្ភ។ តាមគល់ដំណាំ និងតាមចន្លោះរងដំណាំត្រូវ បានក្រាលដោយធាងដូងហើយក្រាលសណ្តូកតាមរងដំណាំ ការក្រាលនេះមិនក្រាស់ មិនស្តើងពេក គឺប្រមាណជា ៥ ទៅ ៦ធាងសង្ខាងគល់ដំណាំ។ ដើម្បីចំចេញពេលវេលា និងសន្សំសំចៃទឹក កសិករបាន ជ្រើសរើសប្រព័ន្ធដំណក់ទឹកសម្រាប់ធ្វើការស្រោចស្រពដោយប្រើទុយោដំណក់ទឹកដែលមានអាត្រាដំណក់ទឹក ៦ លីត្រក្នុងមួយម៉ោងមួយគុម្ភ ហើយស្រោចស្រពចំនួន ២ ដងក្នុង មួយថ្ងៃ (ព្រឹក ល្ងាច) ហើយម្តង រយៈពេល២០នាទីក្នុង ១ នាទីបន្តក់ទឹកបាន១០០ មីលីលីត្រ (រដូវវស្សាការស្រោចស្រពត្រូវបានបន្ថយតាមការជាក់ស្តែង)។ ចំពោះដំណាំត្រឡាចការស្រោចទឹកគឺមិនត្រូវឱ្យដក់ទឹកនោះទេ ហើយក៏មិនត្រូវ ស្រោចទឹកនៅពេលថ្ងៃត្រង់ ឬនៅពេលល្ងាចដែរពីព្រោះវាអាចធ្វើឱ្យមានបញ្ហាដូចជា រលួយឬសងាប់ដើមត្រឡាច។ បើពិនិត្យឃើញដីនៅក្បែរគល់ស្ងួត ត្រូវស្រោចទឹកបន្ថែមភ្លាមៗដោយមិនត្រូវទុកដីឱ្យស្ងួតទេ។ ជាពិសេសបន្ទាប់ពីដាំកូនហើយពីព្រោះកូនដំណាំត្រូវការទឹក និងជីសម្រាប់ការដុះលូតលាស់ ឬស ដើម ស្លឹក និងផ្លែផ្កា។ កំឡុងពេលដំណាក់កាលចេញផ្កា និងផ្លែនៃវគ្គលូតលាស់របស់ដំណាំត្រឡាច ត្រូវពិនិត្យតាមដានទឹកឱ្យបានទៀងទាត់។ ដោយសារដីនេះពីមុនមកជាដីដាំអំពៅមិនសូវមានជីជាតិ ហេតុនេះកសិករបានដាក់បន្ថែមនូវជីសរីរាង្គ (លាមកគោ) និងជីគីមីបន្តិចបន្តួចដែរ។ បន្ថែមពីនេះថ្នាំកំចាត់សត្វល្អិតក៏បានប្រើប្រាស់ក្នុងបរិមាណមួយសមស្រប។

ជារួមតម្រូវការក្នុងការអនុវត្តបច្ចេកទេសនេះ គឺបានប្រើប្រាស់សម្ភារដែលមានតម្លៃថោក ហើយងាយស្រួលរកបាននៅមូលដ្ឋាន ដូចជាធាងដូងជាដើម តែក៏មានការទិញសម្ភារបន្ថែមពីផ្សារទៀតដែរ ដូចជា ទុយោ ខ្សែខ្មៅ ។ល។ តែទោះជាយ៉ាងនេះក្តី បច្ចេកទេសនេះក្រៅពីការបង្កើនគុណភាពដី និងរក្សាបរិស្ថានគឺបានផ្តល់នូវផលចំណេញជាក់ស្តែងដល់កសិករចំនួន ៨០០,០០០ រៀល (២០០ដុល្លារអាមេរិច) ក្នុង ១ រដូវកាល។

2.3 ​រូបភាពនៃបច្ចេកទេស

2.5 ប្រទេស/តំបន់/ទីតាំងកន្លែង ដែលបច្ចេកទេសត្រូវបានអនុវត្ត និងបានគ្រប់ដណ្តប់ដោយការវាយតម្លៃនេះ

2.6 កាលបរិច្ឆេទនៃការអនុវត្ត

បង្ហាញឆ្នាំនៃការចុះអនុវត្ត:

2013

2.7 ការណែនាំពីបច្ចេកទេស

សូមបញ្ជាក់តើបច្ចេកទេសត្រូវបានណែនាំឱ្យអនុវត្តដោយរបៀបណា:

• តាមរយៈគម្រោង / អន្តរាគមន៍ពីខាងក្រៅ

មតិយោបល់ (ប្រភេទនៃគម្រោង ។ល។):

គម្រោងហាវែសឧបត្ថម្ភដោយ USAID និងគម្រោងជម្រុញផលិតកម្មផ្នែកបន្លែ

3.1 គោលបំណងចម្បង (១​ ឬច្រើន)​ នៃបច្ចេកទេសនេះ

• ធ្វើឱ្យប្រសើរឡើងនូវផលិតកម្ម
• បន្ស៊ាំទៅនឹងការប្រែប្រួលអាកាសធាតុ/គ្រោះមហន្តរាយ និងផលប៉ះពាល់របស់វា
• បង្កើតផលប្រយោជន៍សេដ្ឋកិច្ច

3.2 ប្រភេទដីប្រើប្រាស់មួយប្រភេទ (ច្រើនប្រភេទ) ដែលបានអនុវត្តបច្ចេកទេស

មតិយោបល់:

ដំណាំត្រឡាច

3.3 បន្ទាប់ពីអនុវត្តបច្ចេកទេស តើដីប្រើប្រាស់មានការប្រែប្រួលដែររឺទេ?

បន្ទាប់ពីអនុវត្តបច្ចេកទេស តើដីប្រើប្រាស់មានការប្រែប្រួលដែររឺទេ?

• បាទ/ច៎ា (សូមបំពេញសំណួរខាងក្រោមពីស្ថានភាពដីប្រើប្រាស់មុនពេលអនុវត្តបច្ចេកទេស)

មតិយោបល់:

ដីពីមុនបានដាំអំពៅចាប់ពី១៩៩២ ដល់ ២០១២។

3.4 ការផ្គត់ផ្គង់ទឹក

ការផ្គត់ផ្គង់ទឹកនៅកន្លែងអនុវត្តបច្ចេកទេស:

• ប្រព័ន្ធស្រោចស្រពទាំងស្រុង

3.5 ក្រុម SLM ដែលបច្ចេកទេសស្ថិតនៅក្នុង

• ធ្វើឱ្យប្រសើរឡើងគម្របដី/ ដំណាំគម្របដី
• ការគ្រប់គ្រងទឹកក្រោមដី

3.6 វិធានការ SLM ដែលបញ្ចូលនូវបច្ចេកទេស

3.7 កំណត់ប្រភេទនៃការធ្លាក់ចុះគុណភាពដីសំខាន់ៗដែលបច្ចេកទេសនេះបានដោះស្រាយ

3.8 ការពារ កាត់បន្ថយ ឬស្តារឡើងវិញនៃការធ្លាក់ចុះគុណភាពដី

បញ្ជាក់ពីគោលដៅរបស់បច្ចេកទេស ដែលផ្តោតទៅការធ្លាក់ចុះគុណភាពដី:

• ការការពារការធ្លាក់ចុះគុណភាពដី

4.1 គំនូសបច្ចេកទេសនៃបច្ចេកទេសនេះ

4.2 ព័ត៌មានទូទៅដែលពាក់ព័ន្ធនឹងការគណនាធាតុចូល និងថ្លៃដើម

កំណត់របៀបនៃការគណនាថ្លៃដើម និងធាតុចូល:

• ក្នុងតំបន់អនុវត្តបច្ចេកទេស

ផ្សេងៗ/ រូបិយប័ណ្ណជាតិ (បញ្ជាក់):

រៀល

បើពាក់ព័ន្ធសូមកំណត់អត្រាប្តូរប្រាក់ពីដុល្លាទៅរូបិយប័ណ្ណតំបន់ (ឧ.​​ 1 ដុល្លារ​ = 79.9 រៀលនៃរូបិយប័ណ្ណប្រេស៊ីល) ៖ 1 ដុល្លារ =:

4000,0

4.3 សកម្មភាពបង្កើត

	សកម្មភាព	រយៈពេល​ (រដូវកាល)
1.	ភ្ជួរដីហាលទុកចោល	បន្ទាប់ពីប្រមូលផលរួច
2.	ពូនរងដំណាំ	មុនពេលចាប់ផ្តើមភ្លៀង
3.	តម្លើងប្រព័ន្ធស្រោចស្រព	មុនពេលដាំកូនត្រឡាច
4.	ចោះរណ្តៅសម្រាប់ស្ទួងគ្រាប់ត្រឡាច	២ ថ្ងៃមុនពេលស្ទួងកូនត្រឡាច
5.	ដាំគ្រាប់ត្រឡាចដោយប្រើធាងដូង	១ ថ្ងៃ
6.	ធ្វើទ្រើង	៣ ថ្ងៃបន្ទាប់ពីស្ទូងរួច
7.	ស្ទួងកូនត្រឡាច	មុនពេលចាប់ផ្តើមភ្លៀង

4.4 ថ្លៃដើម និងធាតុចូលដែលត្រូវការសម្រាប់ការបង្កើតបច្ចេកទេស

	បញ្ជាក់ពីធាតុចូល	ឯកតា	បរិមាណ	ថ្លៃដើមក្នុងមួយឯកតា	ថ្លៃធាតុចូលសរុប	% នៃថ្លៃដើមដែលចំណាយដោយអ្នកប្រើប្រាស់ដី
កម្លាំងពលកម្ម	រៀបចំកូនដំណាំ	ថ្ងៃ	1,0	25000,0	25000,0	100,0
កម្លាំងពលកម្ម	រៀបចំដីដាំ	ថ្ងៃ	5,0	30000,0	150000,0	100,0
កម្លាំងពលកម្ម	ធ្វើទ្រើង	ថ្ងៃ	2,0	25000,0	50000,0	100,0
កម្លាំងពលកម្ម	តម្លើងប្រព័ន្ធស្រោចស្រព	ដុំ	2,5	27500,0	68750,0	100,0
សម្ភារៈ	ចបកាប់	គ្រឿង	2,0	7000,0	14000,0	100,0
សម្ភារៈ	កន្ត្រៃកាត់	គ្រឿង	5,0	2500,0	12500,0	100,0
សម្ភារៈ	រណាអារ	គ្រឿង	1,0	12000,0	12000,0	100,0
សម្ភារៈ	ពូថៅ	គ្រឿង	1,0	12000,0	12000,0	100,0
សម្ភារៈ	ធុងស្រោចទឹក	គូ	2,0	25000,0	50000,0	100,0
សម្ភារៈ	ចបជីក	គ្រឿង	3,0	15000,0	45000,0	100,0
ជី និងសារធាតុពុល	ថ្នាំសម្លាប់សត្វល្អិត	ដប	2,0	2500,0	5000,0	100,0
ជី និងសារធាតុពុល	ដេ អា ប៉េ (DAP)	ដប	2,0	25000,0	50000,0	100,0
ជី និងសារធាតុពុល	កាលី	គ.ក	50,0	2400,0	120000,0	100,0
ជី និងសារធាតុពុល	អ៊ុយរ៉េ	គ.ក	50,0	1800,0	90000,0	100,0
ជី និងសារធាតុពុល	លាមកគោ	ថ្ងៃ	1,0	25000,0	25000,0	100,0
សម្ភារៈសាងសង់	ខ្សែខ្មៅសម្រាប់ធ្វើទ្រើង	គ.ក	5,0	47000,0	235000,0	100,0
សម្ភារៈសាងសង់	ទុយោទឹក	ដុំ	2,5	90000,0	225000,0	100,0
សម្ភារៈសាងសង់	ក្បាលរ៉ូប៊ីណេ	ចំនួន	1,0	20000,0	20000,0	100,0
ផ្សេងៗ	ពូនរង	ថ្ងៃ	2,0	25000,0	50000,0	100,0
ថ្លៃដើមសរុបក្នុងការបង្កើតបច្ចេកទេស					1259250,0
ថ្លៃដើមសរុបក្នុងការបង្កើតបច្ចេកទេសគិតជាដុល្លារ					314,81

4.5 សកម្មភាពថែទាំ

	សកម្មភាព	ពេលវេលា/ ភាពញឹកញាប់
1.	ស្រោចទឹកនៅពេលព្រឹក និងពេលល្ងាច	១ថ្ងៃ ២ ដង ហើយ១ដង ២ ទៅ ៣ នាទី រៀងរាល់ថ្ងៃ។
2.	កាត់ស្មៅ ឬកាត់ខ្នែង (៣ ទៅ ៤ ខ្មែង)	រៀងរាល់១៤ថ្ងៃម្តងកំឡុងពេលលូតលាស់
3.	បាញ់ថ្នាំដង្កូវបើមាន	នៅពេលមាន
4.	ជុសជុលប្រព័ន្ធស្រោចស្រព	ជុសជុលម្តងក្នុង១រដូវកាល
5.	ផ្លាស់ប្តូរខ្សែខ្មៅសម្រាប់ធ្វើទ្រើង	ជុសជុលម្តងក្នុង១រដូវកាល

4.6 កំណត់ថ្លៃដើមសម្រាប់ការថែទាំ/ សកម្មភាពរបស់បច្ចេកទេស (ក្នុងរយៈពេលមួយឆ្នាំ)

	បញ្ជាក់ពីធាតុចូល	ឯកតា	បរិមាណ	ថ្លៃដើមក្នុងមួយឯកតា	ថ្លៃធាតុចូលសរុប	% នៃថ្លៃដើមដែលចំណាយដោយអ្នកប្រើប្រាស់ដី
កម្លាំងពលកម្ម	កាត់ខ្នែងត្រឡាច	ថ្ងៃ	1,0	25000,0	25000,0	100,0
កម្លាំងពលកម្ម	ជុលជុលប្រព័ន្ធស្រោចស្រព	ថ្ងៃ	1,0	20000,0	20000,0	100,0
សម្ភារៈ	ទិញទុយោប្រព័ន្ធស្រោចស្រព	គ.ក	8,0	4700,0	37600,0	100,0
សម្ភារៈ	ផ្លាស់ប្តូរខ្សែខ្មៅសម្រាប់ធ្វើទ្រើង	គ.ក	7,0	4700,0	32900,0	100,0
ថ្លៃដើមសរុបសម្រាប់ការថែទាំដំណាំតាមបច្ចេកទេស					115500,0
ថ្លៃដើមសរុបសម្រាប់ការថែទាំដំណាំតាមបច្ចេកទេសគិតជាដុល្លារ					28,88

4.7 កត្តាសំខាន់បំផុតដែលមានឥទ្ធិពលដល់ការចំណាយ

ពណ៌នាពីកត្តាប៉ះពាល់ចម្បងៗទៅលើថ្លៃដើម:

ជុសជុលទុយោទឹកតម្លៃ ២០០០០០ រៀលក្នុង ១ ដង និងទិញខ្សែខ្មៅសម្រាប់ធ្វើទ្រើងដំណាំតម្លៃ ៣៧៦០០ រៀលក្នុង ១ ដង។

5.1 អាកាសធាតុ

5.2 សណ្ឋានដី

បញ្ជាក់ថាតើបច្ចេកទេសនេះត្រូវបានអនុវត្តន៍នៅក្នុង:

• មិនពាក់ព័ន្ធទាំងអស់

5.3 ដី

5.4 ទឹកដែលអាចទាញមកប្រើប្រាស់បាន និងគុណភាពទឹក

តើមានបញ្ហាភាពទឹកប្រៃហូរចូលមកដែរឬទេ?

ទេ

តើទឹកជំនន់កំពុងកើតមាននៅតំបន់នេះដែររឺទេ?

ទេ

5.5 ជីវៈចម្រុះ

5.6 លក្ខណៈនៃអ្នកប្រើប្រាស់ដីដែលអនុវត្តបច្ចេកទេស

5.7 ទំហំផ្ទៃដីជាមធ្យមនៃដីប្រើប្រាស់ដោយអ្នកប្រើប្រាស់ដី ក្នុងការអនុវត្ត​បច្ចេកទេស

5.8 ភាពជាម្ចាស់ដី កម្មសិទ្ធប្រើប្រាស់ដី និងកម្មសិទ្ធប្រើប្រាស់ទឹក

ភាពជាម្ចាស់ដី:

• ឯកជន មានកម្មសិទ្ធ

កម្មសិទ្ធិប្រើប្រាស់ដី:

• ឯកជន

កម្មសិទ្ធប្រើប្រាស់ទឹក:

• ជាក្រុម (មានដែនកំណត់)
• ឯកជន

5.9 ការប្រើប្រាស់សេវាកម្ម និងហេដ្ឋារចនាសម្ព័ន្ធ

6.1 ផលប៉ះពាល់ក្នុងបរិវេណអនុវត្តបច្ចេកទេសដែលកើតមាន

ផលប៉ះពាល់លើសេដ្ឋកិច្ចសង្គម

ផលិតផល

ចំណូល និងថ្លៃដើម

ផលប៉ះពាល់ទៅលើវប្បធម៌សង្គម

ផលប៉ះពាល់ទៅលើអេកូឡូស៊ី

វដ្តទឹក/លំហូរ

ដី

ការកាត់បន្ថយហានិភ័យនៃគ្រោះមហន្តរាយ និងគ្រោះអាកាសធាតុ

6.3 ភាពប្រឈម និងភាពរួសនៃបច្ចេកទេសទៅនឹងការប្រែប្រួលអាកាសធាតុ និងគ្រោះអាកាសធាតុ/ គ្រោះមហន្តរាយ (ដែលដឹងដោយអ្នកប្រើប្រាស់ដី)

ការប្រែប្រួលអាកាសធាតុ

ការប្រែប្រួលអាកាសធាតុ

	រដូវកាល	កើនឡើង ឬថយចុះ	លក្ខណៈឆ្លើយតបនៃបច្ចេកទេសទៅនឹងការប្រែប្រួលអាកាសធាតុ
សីតុណ្ហភាពប្រចាំឆ្នាំ		កើនឡើង	មធ្យម
សីតុណ្ហភាពប្រចាំរដូវកាល	រដូវក្តៅ	កើនឡើង	មធ្យម
បរិមាណទឹកភ្លៀងប្រចាំឆ្នាំ		កើនឡើង	មធ្យម

គ្រោះអាកាសធាតុ (មហន្តរាយ) ​

គ្រោះមហន្តរាយធម្មជាតិ

	លក្ខណៈឆ្លើយតបនៃបច្ចេកទេសទៅនឹងការប្រែប្រួលអាកាសធាតុ
ព្យុះភ្លៀងតាមតំបន់	មធ្យម

គ្រោះមហន្តរាយទឹក

	លក្ខណៈឆ្លើយតបនៃបច្ចេកទេសទៅនឹងការប្រែប្រួលអាកាសធាតុ
ទឹកជំនន់ដោយទឹកភ្លៀង	មធ្យម

6.4 ការវិភាគថ្លៃដើម និងអត្ថប្រយោជន៍

តើផលចំណេញ និងថ្លៃដើមត្រូវបានប្រៀបធៀបគ្នាយ៉ាងដូចម្តេច (ទស្សនៈរបស់អ្នកប្រើប្រាស់ដី)?

តើផលចំណេញ និងការថែទាំ/ ជួសជុលត្រូវបានប្រៀបធៀបគ្នាយ៉ាងដូចម្តេច (ទស្សនៈរបស់អ្នកប្រើប្រាស់ដី)?

6.5 ការទទួលយកបច្ចេកទេស

• 11-50%

បើអាច សូមបញ្ជាក់ពីបរិមាណ (ចំនួនគ្រួសារ និង/ ឬតំបន់គ្របដណ្តប់):

មាន ១៦ គ្រួសារនៅក្នុងភូមិចំការអូបានអនុវត្តបច្ចេកទេសនេះ (រួមបញ្ចូលអ្នកបានអនុវត្តបច្ចេកទេសនេះ)

ក្នុងចំណោមគ្រួសារទាំងអស់ដែលបានអនុវត្តបច្ចេកទេស តើមានប៉ុន្មាន​គ្រួសារ​ដែល​ចង់​ធ្វើ​ដោយ​ខ្លួន​ឯង ដោយមិន​ទទួល​បាន​សម្ភារៈ​លើក​​ទឹកចិត្ត/​ប្រាក់ឧបត្ថម្ភ?​:

• 11-50%

មតិយោបល់:

មាន ៨ គ្រួសារដែលបានទទួលយកការអនុវត្តបច្ចេកទេសនេះដោយមិនបានទទួលសម្ភារ/ការឧបត្ថម្ភជាទឹកប្រាក់នោះទេ។ ទោះបីជាយ៉ាងណាក៏ដោយ មានគ្រួសារផ្សេងៗទៀតដែលបានទទួលការគាំទ្រពី គម្រោងហាវែសឧបត្ថម្ភដោយ USAID រួមមានបច្ចេកទេសដាំដំណាំ និងការប្រើប្រាស់ជី។ រីឯគម្រោងជម្រុញផលិតកម្មផ្នែកបន្លែបានផ្តល់វគ្គបណ្តុះបណ្តាលស្តីពីសុវត្តិភាពស្បៀងសម្រាប់តម្រូវការទីផ្សារ។

6.6 ការបន្សុំា

តើថ្មីៗនេះ បច្ចេកទេសនេះត្រូវបានកែតម្រូវ​ដើម្បី​បន្ស៊ាំ​ទៅនឹង​ស្ថាន​ភាព​ប្រែប្រួល​ដែរ​ឬទេ?

ទេ

6.7 ភាពខ្លាំង/ គុណសម្បត្តិ/ ឱកាសនៃបច្ចេកទេស

ភាពខ្លាំង/ គុណសម្បត្តិ/ ឱកាសនៅកន្លែងរបស់អ្នកប្រើប្រាស់ដី
ការប្រើធាងដូងសម្រាប់គ្របគល់ដំណាំត្រឡាចនេះមានលក្ខណៈល្អប្រសើរសម្រាប់កសិករដែលមិនមានប្រាក់ទិញថង់ផ្លាស្ទីក។
វាបានផ្តល់លក្ខខណ្ឌល្អប្រសើរដល់សុខភាពដី និងថែរក្សាស្ថេរភាពបរិស្ថាន។

ភាពខ្លាំង/ គុណសម្បត្តិ/ ឱកាស​ ទស្សនៈរបស់បុគ្គលសំខាន់ៗ
វាពិតជាមានសារៈសំខាន់ណាស់ដែលកសិករយល់ដឹងពីបរិស្ថាន ហើយពូកគេអាចស្វែងរកសម្ភារៈទាំងអស់នៅជុំវិញផ្ទះរបស់ពួកគេដូចជាធាងដូងជាដើម ដែលមិនបានបំពុលដល់បរិស្ថាន។
ថែរក្សាគុណភាពដីតាមរយៈការប្រើប្រាស់ជីលាមកគោ។

6.8 ភាពខ្សោយ/ គុណវិបត្តិ/ ហានិភ័យនៃបច្ចេកទេស និងវិធីសាស្ត្រដោះស្រាយ

ភាពខ្សោយ/ គុណវិបត្តិ/ ហានិភ័យ ទស្សនៈរបស់អ្នកប្រើប្រាស់ដី	តើបច្ចេកទេសទាំងនោះបានដោះស្រាយបញ្ហាដូចម្តេច?
ពិបាកធ្វើលើកដំបូងដោយសារដីពិបាក់ដាំដុះ។	ព្យាយាមធ្វើបន្តដោយកែប្រគុណភាពដី។

7.1 វិធីសាស្ត្រ/ ប្រភពនៃព័ត៌មាន

7.2 ឯកសារយោងដែលបានចេញផ្សាយ

ចំណងជើង អ្នកនិពន្ធ ឆ្នាំ ISBN:

Lalljee, B., 2013. Mulching as a mitigation agricultural technology against land degradation in the wake of climate change. International Soil and Water Conservation Research, 1(3), pp. 68-74.

មានប្រភពមកពីណា? ថ្លៃដើមប៉ុន្មាន?

អាចទាញយកបាន

7.3 ការភ្ជាប់ទៅកាន់ព័ត៌មានពាក់ព័ន្ធលើប្រព័ន្ធអនឡាញ

ចំណងជើង/ ពណ៌នា:

Agricultural Technique Manual of Tonle Sap Poverty Reduction and Smallholder Development Project

វេបសាយ:

http://www.tssdcambodia.org/