WOCAT-ын Дэлхийн Газрын Тогтвортой Менежментийн Мэдээллийн Сан (Байгаль хамгаалах арга барил, технологийн дэлхийн тойм) нь дэлхийн янз бүрийн нутагт туршсан ГТМ туршлагын баримт бичигт үнэ төлбөргүй нэвтрэх боломжийг олгож, мэргэжилтнүүдэд өөрсдийн ГТМ туршлагаа хуваалцах боломжийг олгодог. WOCAT-ын мэдээллийн сан нь урт хугацааны туршид оршин тогтнож, арвин их мэдлэг хуримтлуулсан тул UNCCD дэлхийн ГТМ сайн туршлагын мэдээллийн сан гэж албан ёсоор хүлээн зөвшөөрсөн.
WOCAT-ын хүрээнд ГТМ гэдэг нь хүмүүний бүтээгдэхүүн, үйлчилгээний хэрэгцээг хангах, тэдгээр нөөцийн бүтээмжийг урт хугацаанд тогтвортой байлгах, байгаль орчны функцыг тэнцвэржүүлэх зорилгоор хөрс, ус, ургамал, амьтан зэрэг газрын нөөцийг зохистой, тогтвортой ашиглах гэж тодорхойлсон болно. ГТМ туршлага нь ГТМ технологи эсвэл ГТМ арга барил байж болно.
ГТМ туршлагыг баримтжуулах болон үнэлэхийн гол зорилго нь газрын менежментийн мэдлэгийг бусадтай хуваалцах, бусдад түгээх, баримтанд түшиглэсэн шийдвэр гаргах үйл явцыг дэмжих, тодорхой сайн туршлагуудыг нутаг дэвсгэрт тэлэх замаар газрын доройтлоос сэргийлэх, газрын доройтлыг бууруулах болон доройтсон газрыг нөхөн сэргээхэд хувь нэмэр оруулахад оршино.
ГТМ туршлагыг баримтжуулах WOCAT аргачлалын талаар дэлгэрэнгүй мэдээллийг эндээс авна уу.
